Májilis tóraǵasy Erlan Qoshanov Reseıdiń Qazaqstandaǵy tótenshe jáne ókiletti elshisi Alekseı Borodavkındi qabyldady. Taraptar ekijaqty qarym-qatynastardy damytý máselelerin talqylady, dep habarlaıdy «Adyrna» tilshisi Májilistiń baspasóz qyzmetine silteme jasap.
Erlan Qoshanov Reseı men Qazaqstan tatý kórshi ári odaqtastyq týraly shartty negizge ala otyryp, yntymaqtastyqty júıeli túrde damytyp kele jatqanyn atap ótti.
«Memleket basshylary bizdiń túrli saladaǵy ózara baılanysymyzdyń joǵary qarqynyn aıqyndap berdi. Qasym-Jomart Toqaev pen Vladımır Pýtınniń qatysýymen óńiraralyq yntymaqtastyq forýmdary turaqty túrde ótkizilip, nátıjesinde mańyzdy ekonomıkalyq jobalar qolǵa alynýda. Bizdiń elder arasyndaǵy taýar aınalymy turaqty ósip keledi jáne 70 paıyz óńirler arasyndaǵy tikeleı saýda arqyly qamtamasyz etilip otyr, – dedi ol.
Qos tarap Májilis tóraǵasynyń Reseıge resmı saparyna daıyndyq barysyn, sondaı-aq Qazaqstan depýtattarynyń Reseı Federaııasyndaǵy Prezıdent saılaýyn baqylaýǵa qatysýyn talqylady.
Kezdesý qorytyndysy boıynsha eki memleket qarym-qatynasty nyǵaıtýǵa, sonyń ishinde parlamentaralyq yntymaqtastyq aıasynda damytýǵa kelisti.
