Ujymdyq qaýipsizdik týraly shart uıymynyń (UQShU) parlamenttik baıqaýshylary Reseı prezıdentiniń saılaýynyń uıymdastyrylýyna joǵary baǵa berdi. Olar naýqannyń erkin jáne ádil sıpatta ótkenin málimdedi, dep habarlaıdy “Adyrna” ulttyq portaly.
«Negizgi daýys berý kúni, 17 naýryzda UQShU-ǵa múshe elderdiń parlamentshileri Reseıdegi prezıdent saılaýyn baqylaýdy jalǵastyrdy.
UQShU PA baıqaýshylary daýys berý quqyǵy bar azamattardyń tizimderin daıyndaý sapasyna, bıýlletenderdi berý tártibine nemese daýys berý tártibine qatysty shaǵymdardy anyqtaǵan joq", - delingen Assambleıa habarlamasynda.
Sondaı-aq, ortalyq saılaý komıssııasy, aýmaqtyq jáne ýchaskelik saılaý komıssııalary halyqaralyq baıqaýshylardyń tıimdi jumys isteýi úshin barlyq qajetti jaǵdaılardy jasaǵanyn aıtty.
Aıta keteıik, buǵan deıin Reseıdiń prezıdent saılaýynda 87,38% shamasynda Vladımır Pýtın jeńiske jetip turǵanyn habarlaǵan edik.
