Mäjılıs deputaty Ashat Aimaǧambetov Qazaqstannyŋ biudjetınıŋ kemşılıkterı turaly aitty, dep habarlaidy "Adyrna" ūlttyq portaly Dalanews.kz-ke sıltep.
Aqparat agenttıgınıŋ habarlauynşa, biudjet qarajatyn jūmsauda Ükımet pen Qarjy ministrlıgıne berılgen keŋ qūzyretterdıŋ esebı tömen, naqty erejeler men talaptar tolyq anyqtalmaǧan. Al būl öz kezegınde qarjynyŋ tiımsız ärı josparsyz jūmsaluyna itermelep jatyr.
“Nätijesınde bastapqyda bekıtılgen biudjet pen onyŋ maqsattary tübegeilı özgerısterge ūşyraidy, al maŋyzdy mäseleler köp jaǧdaida kabinet ışınde ǧana şeşıledı. Mūndai jaǧdai biudjettıŋ tiımdılıgıne jäne eldıŋ qarjylyq tūraqtylyǧyna kerı äserın tigızude”, - dedı ol.
Deputat qarajattyŋ qaita bölınuıne de toqtaldy.
- Būl üderıstı retteitın naqty erejeler men reglamentter joq. Jaŋa Biudjet kodeksı jobasynda baǧdarlamalardy ırılendıru jäne ministrlıkterge odan da ülken derbestık beru közdelude. Alaida esep pen naqty mındettersız, bılıktı mamandarsyz jäne memlekettık josparlaudyŋ tiımdı jüiesınsız mūndai derbestık qauıptı boluy mümkın. Işkı oryndau jäne baqylau mehanizmderın özgertpei, syrtqy bloktyq qūrylymdy engızu mäselenı şeşpeidı, kerısınşe, ony uşyqtyruy yqtimal. Eger būl ürdıs jalǧasa berse, bolaşaqta Parlamentte ärbır ministrlıkke jalpy soma ǧana bekıtılıp, al ministrlıkter ışkı qarajatty öz qalauy boiynşa böle beretın jaǧdaiǧa jetuımız mümkın. Būl biudjettı bekıtudıŋ mänın joǧaltuǧa äkeledı, - dep atap öttı ol.
Bügınde Ūlttyq qor qarajatyna da qatysty naqty talaptardyŋ bolmauy kürdelı mäselege ainalǧan.
- Ūlttyq qordan kepıldendırılgen transfertter ükımettı şekteitındei körıngenımen, ıs jüzınde ükımet sol transferttıŋ talabyndaǧy älsızdıkterdı paidalanyp, türlı qarjylyq qajettılıkter üşın qarajatty oŋai tarta alady. Bolaşaq ūrpaqtyŋ mūrasy retınde saqtaluǧa tiıs Ūlttyq qor biudjet tapşylyǧyn jabu men tiımsızdık mäselelerın şeşudıŋ basty közıne ainalyp otyr, - dedı ol.
Al elımızdegı Biudjet kodeksı jobasy biudjet jüiesınıŋ tüitkıldı mäselelerın şeşe almai otyr körınedı.
- Ökınışke qarai, jaŋa Biudjet kodeksı jobasynda būrynǧy kemşılıkter saqtalyp, biudjet jüiesınıŋ jüielı mäselelerı şeşılmegen. Qazırgı uaqytta osy jäne basqa da baǧyttar boiynşa ūsynylǧan tüzetuler qyzu talqylanuda. Alaida ükımettıŋ qorytyndylarynda köptegen oryndy normalar qoldau tappai otyr, - dep sözın qorytyndylady deputat.
