Qazaqstan Prezıdenti Qasym-Jomart Toqaev «Orta dálizdiń» áleýetin tolyq paıdalaný qajettiligin atap ótti. Bul dáliz túrik áleminiń ári qaraıǵy ekonomıkalyq damýy úshin strategııalyq mańyzdy bolyp tabylady. Qazaqstan Prezıdenti osy máselege qatysty pikirin Túrki memleketteri uıymynyń 11 sammıtinde jetkizdi, dep habarlaıdy "Adyrna" ulttyq portaly.
Sammıtte Toqaev Qazaqstannyń Túrki memleketteri uıymyndaǵy tóraǵalyǵynyń nátıjelerin qorytyndylady. Onyń aıtýynsha, Qazaqstan tóraǵalyǵy kezinde TURKTIME uranymen birqatar mańyzdy jobalar júzege asyrylyp, 80-nen astam is-shara uıymdastyrylǵan. Astanada ótken V Dúnıejúzilik kóshpendiler oıyndary men ortaq túrik alfavıtiniń qabyldanýy mańyzdy tarıhı oqıǵalar boldy. Budan basqa, turaqty ókilder ınstıtýty quryldy. TMU-na qatysty erejeler daıyndalyp, bekitýge jiberildi.
Memleket basshysy qarjy jáne ınvestıııalar salasyndaǵy yntymaqtastyqty tereńdetýdiń mańyzdylyǵyn da atap ótti. Onyń aıtýynsha, bul máselede Túrki ınvestıııalyq qory erekshe ról atqara alady. Ol sondaı-aq barlyq taraptar Ortalyq bankter keńesin qurý bastamasyn biraýyzdan qoldaǵanyn habarlady.
Kópshilik «Orta dáliz» dep atap ketken Transkaspıı halyqaralyq kólik joly – Qytaıdy Ortalyq Azııa, Kavkaz, Túrkııa, sondaı-aq Shyǵys Eýropa arqyly Eýropa odaǵymen baılanystyratyn temirjoldaǵy konteınerlik júk tasymaldaý jelisi. Bul kópjaqty damý jobasy sanalady. Reseıdiń sankııaǵa ushyraǵan Transsibir baǵytyna balama, qysqa jol.
