Pavlodarda kólik júrgizýshisi men onyń jolaýshysy kólik sıgnalyna jaýap bermeı, joldy bosatpaı qoıǵan mektep oqýshysyn uryp-soqty, dep habarlaıdy "Adyrna" ulttyq portaly.
Jábirlengen qyzdy birneshe saǵattan keıin aýrýhanaǵa jetkizgen. Pavlodar qalasynyń bilim bóliminiń habarlaýynsha, oqıǵa kezinde mektep oqýshysymen birge taǵy bir qyz bolǵan. Muǵalimderdiń aıtýynsha, kámeletke tolmaǵandar kóshede júrip bara jatqanda kólik sıgnalyna jaýap bermegen jáne kólikti ótkizbegen. Júrgizýshi men jolaýshy kólikten túsip, qyzdardyń birin ıterip jibergen. Alaıda jábirlenýshiniń týystarynyń aıtýynsha, bunymen is toqtamaǵan.
"Qyzdar jeke sektorda ketip bara jatqanda arttarynan kólik kelgen. Ol sıgnal bere bastaǵanda, bireýi jol jıegine shyqsa, al ekinshisi basqa kólik bolǵandyqtan, jol bere almaǵan. Sol ýaqytta kólik ishindegiler olarǵa aýyr sózder aıtyp, narkoman, jezókshe dep ataǵan. Nemerem qorqyp ketip, olarǵa ortańǵy saýsaǵyn kórsetken. Olar qyzymdy qaıtadan balaǵattap, «saýsaqty kimge kórsettiń?» dep aıqaılaǵan. Jas jigit onyń ıyǵynan ustap, ıterip jiberip, ony aıaq-qolynan birneshe ret tepken», – dedi jábirlenýshi qyzdyń ájesi Larısa Zımareva.
Pavlodarlyqtyń aıtýynsha, sol kúni keshke onyń 13 jasar nemeresin jedel járdem joǵary qan qysymymen alyp ketken.
"Bul oǵan eresek eki er adam soqqy jasaǵannan birneshe saǵat ótken soń boldy. Fızıkalyq turǵydan jasóspirimniń jaǵdaıy qalypty. Degenmen, onyń psıhoemoıonaldyq jaǵdaıy mamandardyń kómegin qajet etedi. Qyz qatty qorqyp, shok alǵan," – deıdi Pavlodar oblysynyń balalar quqyǵy jónindegi ýákili Saýle Shakenova.
Shákenevanyń aıtýynsha, kámeletke tolmaǵan qyzdy urý oqıǵasyn polıeıler tergeýde.
«Kámeletke tolmaǵan jasóspirimniń densaýlyǵyna qasaqana jeńil zaqym keltirý faktisi boıynsha qylmystyq is qozǵaldy. Kúdiktiler anyqtalyp, ustaldy jáne polıııa bólimine jetkizildi. Qajetti tergeý sharalary júrgizilýde», – dep habarlady Pavlodar oblystyq PD baspasóz qyzmeti.
