Parıjde Qazaqstan Prezıdenti Qasym-Jomart Toqaevtyń Franııaǵa memlekettik sapary aıasynda Gıme Azııa óneriniń ulttyq mýzeıinde «Qazaqstan: Uly Dala jaýharlary» kórmesiniń saltanatty ashylý rásimi ótti.
Ashylý saltanatynda Qazaqstan Respýblıkasynyń Mádenıet jáne aqparat mınıstri Aıda Balaeva álem tarıhyndaǵy Uly dalanyń úsh myń jyldyq erekshe mádenı fenomenin pash etetin kórmedegi biregeı eksponattardyń mańyzdylyǵyn atap ótti.
Ol franýz áriptesterine kórmeni uıymdastyrýǵa qoldaý kórsetkeni úshin alǵys bildirip, Qazaqstan men Franııa arasyndaǵy mádenı qarym-qatynastyń mańyzdylyǵyna erekshe toqtaldy.
«Keıingi jyldary Qazaqstan men Franııa arasyndaǵy baılanys artyp, jańa serpin aldy. Qazaqstan Prezıdenti Qasym-Jomart Toqaev pen Franııa Prezıdenti Emmanýel Makronnyń ózara saparlary ekijaqty yntymaqtastyqty nyǵaıta tústi. Áriptesim, mınıstr hanym Rashıda Datı men Gıme mýzeıiniń prezıdenti, doktor Iannık Lıntke osy kórmeni uıymdastyrýda kórsetken qoldaýy úshin, sondaı-aq, Gıme mýzeıi ujymyna joǵary deńgeıdegi kásibı biliktiligi men úılesimdi jumysy úshin erekshe alǵysymdy bildiremin», – dedi Aıda Balaeva.
Ekspozıııada Qazaqstannyń Ulttyq mýzeıi men «Áziret Sultan» mýzeı-qoryǵynyń kollekııalarynan alynǵan 35 sırek artefakt usynylǵan. Olar Qazaqstan tarıhynyń negizgi kezeńderin pash etedi.
«Mýzeıdiń bıik mıssııasy – ótkenniń mádenı qundylyqtaryn kórsete otyryp, zamanaýı tarıhty jasaý. Kórmege qoıylǵan eń qundy jádigerler alǵash ret sheteldik kórermenge zamanaýı, jańashyl formatta usynylyp otyr. Búgin biz jańa tarıhtyń – elderimiz arasyndaǵy qarym-qatynastardyń damý tarıhynyń kýási bolyp otyrmyz», – dedi mınıstr.
Kórermender kóshpeli mádenıettiń jáne memlekettiliktiń damýyn beıneleıtin qundy muralardy tamashalaı alady, olardyń qatarynda ǵun-sarmat kezeńinen bastap Qazaq handyǵyna deıingi jádigerler bar. Kórmeniń ereksheligi – kórermenge Qazaqstan mádenıetiniń sanǵasyrlyq tarıhy men baı qazynasyn tereń tanýǵa múmkindik beretin ımmersıvti mýltımedııalyq kontent.
«Kórmede Qazaqstannyń bes «Djokondasy» qoılǵan. Bul kórmeniń ıdeıasy bir jyl buryn Franııa prezıdentiniń Qazaqstanǵa sapary kezinde týyndady. Onyń maqsaty – kórermenge Qazaqstan mádenıetin, onyń álemdik tarıhta alar ornyn tanystyrý. Kórme ejelgi tarıhtan bastap 18-shi ǵasyrdaǵy Qazaqstanǵa deıingi aralyqty qamtyǵan. Bul – Qazaqstannyń peızajdaryn, dybystaryn, ásirese, osy órkenıettiń bes kezeńin beıneleıtin bes shedevrdi nemese shedevrler ansamblin kórsetetin ımmersıvti saıahat», – dedi Gıme – Azııa óneriniń ulttyq mýzeıi dırektory Iannık Lın.
Kórme 2025 jyldyń 24 naýryzyna deıin jalǵasady. 5 qarashada, kórmeni Qazaqstan men Franııa Prezıdentteri Qasym-Jomart Toqaev pen Emmanýel Makron tamashalady.
Aıta ketý kerek, kórme jobasyna Qazaqstannyń Franııadaǵy elshiligi, Bolat Ótemuratov qory men Alstom Kazakhstan kompanııasy, Visor Group JShS jáne Keńes Raqyshev qoldaý kórsetti.
