Qazaqstannyŋ eŋbek jäne halyqty äleumettık qorǧau ministrlıgı jūmyssyz azamattardy su tasqynynan zardap şekken aimaqtarda tūrǧyn üi saluǧa jäne infraqūrylymdy qalpyna keltıruge qatysuǧa şaqyrady. Būl turaly ministrlıktıŋ baspasöz qyzmetı mälımdedı, dep habarlaidy “Adyrna” ūlttyq portaly.
Mälımet boiynşa, osy maqsatta eŋbek ministrlıgı "Bırge salaiyq!" atty jūmyspen qamtudyŋ jaŋa jobasyn qolǧa aldy.
"Adam resurstaryn damytu ortalyǧy "Bırge salaiyq!" jobasy aiasynda azamattardy jūmyspen qamtuǧa qoldau körsetu üşın arnaiy platforma äzırledı", - delıngen habarlamada.
Būl elektrondy eŋbek birjasyndaǧy jaŋa modul. Mūnda öŋırlerge tūrǧyn üi qoryn jäne infraqūrylymyn qalpyna keltıruge kömekteskısı keletın kez kelgen adam bos jūmys oryndaryn qarap, kez kelgenın taŋdap, ol boiynşa sūhbattan öte alady. Osy uaqytqa deiın platformaǧa 42 bos jūmys orny jariialanǧan.
"Būl jobanyŋ maŋyzdylyǧy – bız jūmys tapqysy keletın jäne su tasqynynan zardap şekken aimaqtardy qalpyna keltıruge atsalysqysy keletınderdıŋ barlyǧyn jedel jūmyspen qamtu üşın sifrlyq ortany qamtamasyz etuımızde", - dedı ministr Svetlana Jaqypova.
Ministrdıŋ aituynşa, qazır vedomstvo jūmys beruşıler men bos jūmys oryndary turaly mälımetter bazasyn keŋeitıp jatyr.
"Öŋırler üşın bılıktı mamandarmen qatar, arnaiy bılımı joq eŋbek küşınıŋ qatysuy da maŋyzdy", - dedı ministr.
Eŋbek ministrlıgı qazaqstandyqtardy jobaǧa qatysuǧa jäne zardap şekken aimaqtardy qalpyna keltıruge üles qosuǧa şaqyrady, delıngen habarlamada.
Aita keteiık, Qazaqstandaǧy su tasqynynan Aqmola, Aqtöbe, Atyrau, Batys Qazaqstan, Qostanai, Pavlodar jäne Soltüstık Qazaqstan oblystarynyŋ tūrǧyndary men infraqūrylymy zaqymdanǧan edı.
