Qazaqstan Jýrnalıster Odaǵynyń basqarma tóraǵasy Seıtqazy Mataev 70 jasqa toldy. QR Prezıdenti Qasym-Jomart Toqaevtyń jarlyǵymen ol "Qurmet" ordenimen marapattaldy.
Keıingi urpaq biler-bilmes, Seıtqazy aǵa kim edi? Qazaqstannyń jańa tarıhynda aty-jóni atalýy tıis qaıratker azamattyń birer esil eńbegin el esine salaıyn.
KSRO tarap, Qazaqstan táýelsizdik alǵan 90-jyldary ıesiz qalǵan QazTAG-ty (TASS-tyń Qazaq SSR-Indegi fılıaly) "tiriltip", jeke bastamasymen, óziniń qarajatyn jumsap, eldiń aqparat álemine qosty. Búginde bul agenttik tanymal jáne bedeldi BAQ sanalady, ol taratatyn aqparatqa otandyq jáne sheteldik ınformeıshn-medıa silteme jasaıdy.
Taǵy da sol taqyr-taza 90-jyldary jetimniń kúıin keshken Qazaqstan Jýrnalıster odaǵyn quryp ketýden saqtap qalyp, memlekettik mańyzy bar osy qoǵamdyq birlestikti 25 jyldan beri basqarady. Odaq taǵaıyndaǵan "Qazaqstannyń qurmetti jýrnalısti" ataǵyn jýrnalıster qaýymy memlekettik marapattan beter baǵaly tósbelgi sanaıdy.
Táýelsiz Qazaqstanda eń alǵashqy Baspasóz klýbyn ashqan adam - Seıtqazy Mataev! Sekeń Almatyda 2000-jyldardyń basynda qurǵan Ulttyq baspasóz klýby táýelsiz qoǵamdyq-saıası platformaǵa aınaldy. Eki ǵasyrdyń ortasynda nazarbaevtyq jeke dara bıliktiń qýdalaýyna tap bolǵan, saıası ustanymy men kórgen qorlyǵyn jarııa etýge trıbýna tappaǵan: saıasatkerler - Serikbolsyn Ábdildın, Ákejan Qajygeldın, Ǵazız Aldamjarov, Irına Savostına, Zamanbek Nurqadilov,
Nurbolat Masanov, Jarmahan Tuıaqbaı, Asylbek Qojahmetov, Pert Svoık, Bolathan Taıjan, Dos Kóshim, Jasaral Qýanyshálın, Ámirjan Qosanov jáne basqalar;
DVK"-nyń alǵashqy quryltaıshylary Bolat Ábilov, Ǵalymjan Jaqııanov, Altynbek Sársenbaev, Oraz Jandosov, Tólen Toqtasynov, Muhtar Ablıazov; Qýdalaýǵa túsken medıanyń jetekshileri, jýrnalıster - Gúljan Erǵalıeva, Seıdahmet Quttyqadam, Shárip Quraqbaı, Batyrhan Dárimbet, Irına Petrýsheva, osy posttyń avtory, Bıgeldi Ǵabdýllın, Sergeı Dývanov, Baqytgúl Mákimbaı, Lıra Baıseıitova jáne taǵy basqalar Seıtqazy Mataevtyń táýelsiz platformasynda batyl baspasóz máslıhattaryn ótkizdi.
Ulttyq Baspasóz klýbynda marqum Zamanbek Nurqadilov prezıdent Nazarbaevtyń otstavkasyn talap etkeni úshin Mataevtyń ózi qysymǵa ushyrady. Bıliktiń talabyna bas bermegen klýbtyń jetekshisi keıinnen naqaq jalamen isti bolyp, 5 jylǵa sottaldy. Eki jylǵa jýyq túrmede otyryp shyǵyp, bertinde tolyq aqtaldy.
Táýelsiz jýrnalısterge qamqor boldy. Oppozıııalyq "DAT" gazetin qoldap, Ulttyq Baspasóz klýbynyń ǵımaratyna redakııany tegin panalatty.
Qymbatty meniń Seıtqazy ákeıim (tegim - Seıtqazyuly), 70 jas músheltoıyń qutty bolsyn!
Aman bol, Ustaz!
100 jasa, korıfeı!
Ermurat Bapı
