Qazaqstan Jurnalister Odaǧynyŋ basqarma töraǧasy Seitqazy Mataev 70 jasqa toldy. QR Prezidentı Qasym-Jomart Toqaevtyŋ jarlyǧymen ol "Qūrmet" ordenımen marapattaldy.
Keiıngı ūrpaq bıler-bılmes, Seitqazy aǧa kım edı? Qazaqstannyŋ jaŋa tarihynda aty-jönı ataluy tiıs qairatker azamattyŋ bırer esıl eŋbegın el esıne salaiyn.
KSRO tarap, Qazaqstan täuelsızdık alǧan 90-jyldary iesız qalǧan QazTAG-ty (TASS-tyŋ Qazaq SSR-Indegı filialy) "tırıltıp", jeke bastamasymen, özınıŋ qarajatyn jūmsap, eldıŋ aqparat älemıne qosty. Bügınde būl agenttık tanymal jäne bedeldı BAQ sanalady, ol taratatyn aqparatqa otandyq jäne şeteldık informeişn-media sılteme jasaidy.
Taǧy da sol taqyr-taza 90-jyldary jetımnıŋ küiın keşken Qazaqstan Jurnalister odaǧyn qūryp ketuden saqtap qalyp, memlekettık maŋyzy bar osy qoǧamdyq bırlestıktı 25 jyldan berı basqarady. Odaq taǧaiyndaǧan "Qazaqstannyŋ qūrmettı jurnalistı" ataǧyn jurnalister qauymy memlekettık marapattan beter baǧaly tösbelgı sanaidy.
Täuelsız Qazaqstanda eŋ alǧaşqy Baspasöz klubyn aşqan adam - Seitqazy Mataev! Sekeŋ Almatyda 2000-jyldardyŋ basynda qūrǧan Ūlttyq baspasöz kluby täuelsız qoǧamdyq-saiasi platformaǧa ainaldy. Ekı ǧasyrdyŋ ortasynda nazarbaevtyq jeke dara bilıktıŋ qudalauyna tap bolǧan, saiasi ūstanymy men körgen qorlyǧyn jariia etuge tribuna tappaǧan: saiasatkerler - Serıkbolsyn Äbdıldin, Äkejan Qajygeldin, Ǧaziz Aldamjarov, İrina Savostina, Zamanbek Nūrqadılov,
Nūrbolat Masanov, Jarmahan Tūiaqbai, Asylbek Qojahmetov, Pert Svoik, Bolathan Taijan, Dos Köşım, Jasaral Quanyşälin, Ämırjan Qosanov jäne basqalar;
DVK"-nyŋ alǧaşqy qūryltaişylary Bolat Äbılov, Ǧalymjan Jaqiianov, Altynbek Särsenbaev, Oraz Jandosov, Tölen Toqtasynov, Mūhtar Abliazov; Qudalauǧa tüsken medianyŋ jetekşılerı, jurnalister - Güljan Erǧalieva, Seidahmet Qūttyqadam, Şärıp Qūraqbai, Batyrhan Därımbet, İrina Petruşeva, osy posttyŋ avtory, Bigeldı Ǧabdullin, Sergei Duvanov, Baqytgül Mäkımbai, Lira Baiseiıtova jäne taǧy basqalar Seitqazy Mataevtyŋ täuelsız platformasynda batyl baspasöz mäslihattaryn ötkızdı.
Ūlttyq Baspasöz klubynda marqūm Zamanbek Nūrqadılov prezident Nazarbaevtyŋ otstavkasyn talap etkenı üşın Mataevtyŋ özı qysymǧa ūşyrady. Bilıktıŋ talabyna bas bermegen klubtyŋ jetekşısı keiınnen naqaq jalamen ıstı bolyp, 5 jylǧa sottaldy. Ekı jylǧa juyq türmede otyryp şyǧyp, bertınde tolyq aqtaldy.
Täuelsız jurnalisterge qamqor boldy. Oppozisiialyq "DAT" gazetın qoldap, Ūlttyq Baspasöz klubynyŋ ǧimaratyna redaksiiany tegın panalatty.
Qymbatty menıŋ Seitqazy äkeiım (tegım - Seitqazyūly), 70 jas müşeltoiyŋ qūtty bolsyn!
Aman bol, Ūstaz!
100 jasa, korifei!
Ermūrat Bapi
Ūqsas jaŋalyqtar
