Astana qalasy mäslihatynyŋ deputattary «Äreket etu uaqyty» özın-özı basqaru köşbasşylarynyŋ respublikalyq qūryltaiyna qatysuşylarmen kezdesıp, äleumettık bastamalardy talqylady, dep habarlaidy elorda äkımdıgınıŋ resmi saity.
Is-şaraǧa QR öŋırlerınen mektep parlamentterınıŋ 20-ǧa juyq prezidentı men elordalyq mäslihat deputattary qatysty. Aşylu saltanatynda Astana qalasy mäslihaty töraǧasynyŋ m.a. Asqar Smaǧūlov qūttyqtau söz söiledı.
«Bügın bız jastardy, mektep qauymyn tolǧandyratyn mäselelerdı talqylau üşın jinaldyq. Ärıptesterım mäslihattyŋ qyzmetı turaly aityp, öz täjıribelerımen bölısedı. Sızderdıŋ ärqaisyŋyz öz mektebıŋızde türlı mäseleler men qiyndyqtarǧa kezıgıp, olardy şeşudıŋ bıregei joldaryn tauyp, jaŋa ideialar engızıp, mektep ömırın qyzyqty ärı mazmūndy etuge kömektesetın ıs-şaralar men jobalardy ūiymdastyryp jatqandaryŋyzǧa senımdımın. Sızderdıŋ küş-jıgerlerıŋız qazırdıŋ özınde jemısın berıp jatyr, bıraq būl sapardyŋ basy ǧana ekenın tüsınu maŋyzdy», - dedı ol.
Asqar Smaǧūlov sondai-aq mūndai kezdesuler jastar üşın özektı mäselelerdı jaqsy tüsınuge yqpal etetının jäne qalalyq deŋgeide şeşım qabyldau jüiesı turaly bıluge kömektesetının atap öttı.
«Qūrmettı qatysuşylar, osy uaqytty belsendı paidalanuǧa şaqyramyn: jobalaryŋyzben, täjıribelerıŋızben bölısıŋız, sūraqtar qoiudan qoryqpaŋyz, tolǧandyratyn taqyryptardy talqylaŋyz. Būl kezdesu sızge jaŋa dostar men pıkırlesterdı tabuǧa, sızdıŋ ūmtylystaryŋyzda jalǧyz emes ekenıŋızdı, älemdı jaqsyraq etudı qalaityn jäne basqa jıgıtterdıŋ bar ekenın köruge mümkındık bolsyn. Al bız öz kezegımızde sızderdıŋ ideialaryŋyzdyŋ jüzege asuyn jeŋıldetıp, ısterıŋızde tabysqa jetuge bar küşımızdı salamyz», – dep tüiındedı sözın Asqar Smaǧūlov.
Is-şarany ūiymdastyruşylar atap ötkendei, kezdesudıŋ negızgı maqsaty – jastar men mäslihat ökılderı arasyndaǧy bailanysty nyǧaitu, sondai-aq balalar men jasöspırımderdıŋ äleumettık bastamalarǧa belsendı qatysuy üşın jaǧdai jasau.
Ūqsas jaŋalyqtar
