Astana halyqaralyq forumy aiasynda Qazaqstan Respublikasynyŋ Densaulyq saqtau ministrlıgı Katardaǧy Power International Holding ırı holdingımen Astanada medisinalyq hab salu jobasyn ıske asyrudyŋ negızgı qaǧidattary turaly negızdemelık kelısımge qol qoidy. Joba «KAZAKH INVEST» ŪK» AQ qoldauymen jüzege asyrylady, dep habarlaidy "Adyrna" ūlttyq portaly forbes.kz-ke sılteme körsete otyryp.
Astanadaǧy medisinalyq köpfunksionaldy hab 300 tösekke eseptelgen jäne emhana, diagnostikalyq jäne oŋaltu bölımderın qamtidy. Jobanyŋ qūny 300 million dollardy qūraidy.
Katardaǧy ekınşı ırı jeke otbasylyq konglomerat Power International Holding jyljymaityn mülık, energetika, telekommunikasiialar, qarjy, densaulyq saqtau jäne bılım berudı qosa alǧanda, ärtürlı salalarda jūmys ısteitın jetekşı aktivterdı basqaruşy bolyp tabylady.
Holdingtıŋ Katardan tys jerlerde aitarlyqtai kapitaly men aktivterı bar. Kompaniianyŋ medisinalyq mekemelerdı salu jäne paidalanu täjıribesı bar, olardyŋ arasynda «The View» 250 tösek-oryn jäne 100 000 şarşy metr audany bar Doha qalasyndaǧy medisinalyq ortalyǧyn atap ötken jön.
Katar kompaniialar tobynyŋ töraǧasy Moutaz äl-Haiat Qazaqstan Respublikasy Densaulyq saqtau ministrlıgımen yntymaqtastyq holding üşın Ortalyq Aziiadaǧy jaŋa mümkındıkter aşatynyn basa aitty.
«KAZAKH INVEST» ŪK» AQ Investment Task Force tobynyŋ bölımşesınıŋ joba jetekşısı Dinara İsabekova ūlttyq kompaniianyŋ Power International Holding kompaniiasymen ekı jyldan astam kelıssözder jürgızgenın atap öttı. Joba densaulyq saqtau salasyndaǧy eŋ ırı jobalardyŋ bırıne ainalady jäne el tūrǧyndary üşın medisinalyq qyzmetterdıŋ sapasy men qoljetımdılıgın arttyrady.
Aita ketu kerek, jobany jüzege asyru ekı eldıŋ de ekonomikalyq jäne sauda bailanystaryn nyǧaituǧa ūmtylysyn rastaidy, sonymen qatar joǧary tehnologiialyq medisinalyq infraqūrylymdy damytuǧa yqpal etedı.
"Adyrna" ūlttyq portaly
Ūqsas jaŋalyqtar
