Búgin energetıka mınıstri Almasadam Sátqalıev elde suıytylǵan munaı gaz tapshy emes ekenin málimdedi, dep habarlaıdy "Adyrna" ulttyq portaly Kolesa.kz-ke silteme jasap.
Onyń aıtýynsha ákimdikter gazdy keıbir beketke taratpaı otyrǵan kórinedi.
«Ákimdikter aı saıyn shamamen 160–170 myń tonna tapsyrys beredi. Onyń 130–140 myń tonnasy jospar boıynsha jetkiziledi. Qalǵan bóligin rezervten alamyz. Keı óńirde tutyný mólsheri artqany baıqalyp otyr. Biz buǵan gazben júretin mashına kóbeıgeni sebep boldy dep sanaımyz. Mınıstrlik gazdyń kóp bóligi munaı-hımııa salasyna bólinetinin eskertse de, olar avtogazdan bas tartpaı otyr» - dedi mınıstr.
Statıstıkalyq málimetterge qarasaq, byltyr 1 qazanda Qazaqstanda taza gazben júretin jáne gıbrıd qondyrǵysy bar avtomobıl sany 407 237 bolǵan. Al bıyl 1 tamyzda olardyń sany — 428 133 bolsa, 1 qyrkúıekte 429 788-ge jetken. Iaǵnı gaz ballony bar kólikter qataryna bir jylda 22 551 (5.5 %) mashına kirgen.
Osydan birneshe jyl buryn bılik júrgizýshilerdi ekologııalyq taza otyn retinde suıytylǵan munaı gazyna kóshýge shaqyrǵan. Biraq 2023 jyldan bastap shendilerdiń pozıııasy ózgerip, elde gaz arzan, sol úshin baǵany benzın qunymen teńestirý kerek dep shyqty.
