Májilis depýtaty Rınat Zaıytov Úkimet basshysy Oljas Bektenovten memleket basshysynyń tapsyrmasy nege oryndalmaıtynyn surady, dep habarlaıdy "Adyrna" ulttyq portaly.
«Jalpy mınıstrler kabınetinde memleket basshysynyń tapsyrmasy boıynsha 400 jaıly mektep salynýy kerek edi. Alaıda ol 369 mektepke tústi jáne 157 mektepti salýǵa áli aqsha joq bolyp otyr. 2024 jyldyń sáýirinen bastap memleket basshysynyń tapsyrmasy boıynsha eń tómengi jalaqy 85 myń teńgege ulǵaıtylýy kerek edi. Ekonomıka mınıstriniń aıtýynsha, bul máselede de qozǵalystar joq. 2025 jylǵa deıin 95 paıyz jergilikti joldardyń barlyǵy jóndelýi kerek edi, munyń da iske asýy neǵaıbyl ekenine kelisetin shyǵarsyz. Taǵysyn taǵy jetip jatyr. Elge bergen, bizge bergen ýádelerdi aıtyp oryndalmaǵan ýádelerdi aıtyp, eshkimniń betin qyzartpaı-aq qoıayn. Mınıstrler kabınetinde sózdiń bátýasy bolmaýynyń sebebi nede jáne sizdiń osyny aldyn alý úshin qandaı josparyńyz bar?», – dep surady depýtat.
Rınat Zaıytovtyń uzyn-sonar suraǵyna Úkimet basshysy qysqa-nusqa jaýap berdi.
«Úkimettiń jumysy memleket basshysynyń tapsyrmasyn oryndaýǵa baǵyttalǵan. Bizdiń barlyq is-áreketimiz soǵan baılanysty. Osy bıýdjetti qaraǵan kezde 32 trılıon teńgege ótinimder tústi. Biraq qolymyzda bar qarajat 15-aq trıllıon teńge. Osy qarajattyń sheńberinde biz barlyq jumystardy uıymdastyryp jatyrmyz. Al ary qaraı ekonomıkamyzdy damytyp, elde joǵary óńdelgen taýarlardy óndirýimiz qajet. Sonda bıýdjettik kirister ósip, ýádelerdiń bári oryndalatyn bolady», – dedi ol.
Búgin Májilistiń jalpy otyrsyna Úkimet basshysy Oljas Bektenov bastaǵan mınıstrler kabınetiniń músheleri túgel keldi. Májilistiń kún tártibinde QR Ulttyq qorynan 2025 – 2027 jyldarǵa arnalǵan kepildendirilgen transfert týraly» Qazaqstan Respýblıkasy Zańynyń jobasy qaralyp jatyr.
