Bügın Premer-Ministr men Ükımet müşelerınıŋ qatysuymen Prezidenttıŋ Joldaulary men sailaualdy baǧdarlamasyn ıske asyru boiynşa Mäjılıste «AMANAT» partiiasy fraksiiasynyŋ keŋeitılgen otyrysy öttı. Onda Mäjılıs Spikerı, «AMANAT» partiiasynyŋ Töraǧasy Erlan Qoşanov Qazaqstannyŋ bolaşaǧy üşın AES saludyŋ maŋyzdylyǧyn jäne elımızdıŋ barlyq progressivtı küşterdıŋ osy bastamany tolyq qoldauy qajettıgın aitty.
– Qazırgı uaqyttaǧy qyzu talqylanyp jatqan eŋ özektı mäsele – Atom elektr stansiiasyn salu. «AMANAT» fraksiiasynyŋ deputattary Memleket basşysynyŋ referendum ötkızu turaly ideiasyn tolyq qoldaidy. «AMANAT» partiiasy osy nauqandy Ükımetpen bırlesıp, joǧary deŋgeide ötkızuge atsalysuǧa, keŋ auqymda aqparattyq-tüsındıru jūmysyn ūiymdastyruǧa daiyn. Elımızdegı barlyq saiasi partiialar, ükımettık emes ūiymdar bızben bırge Prezidenttıŋ osy progressivtı bastamasyn ıske asyruǧa jūmylady dep senemız, – dedı Erlan Qoşanov.
Premer-Ministr Oljas Bektenov deputattardy Prezidenttıŋ Joldaulary men 2023-2029 jyldarǧa arnalǧan «Ädılettı Qazaqstan: bärımız jäne ärqaisymyz üşın. Qazır jäne ärdaiym» sailaualdy baǧdarlamasynyŋ ıske asyrylu barysy turaly habardar ettı.
– Memleket basşysy aiqyndap bergen maqsat – 2029 jylǧa qarai ūlttyq ekonomika kölemın 450 mlrd dollarǧa deiın jetkızu. Būl – bızdıŋ strategiialyq baǧdarymyz. Ekonomika qūrylymyn tübegeilı özgertu baǧytynda belsendı şaralar qabyldanuda. Qaita öŋdeu önerkäsıbı, maşina jasau, aqparattyq tehnologiialar jäne basqa da zamanaui, joǧary tehnologiialyq jäne innovasiialyq salalar elımızdıŋ jaŋa ekonomikasynyŋ ırgetasy boluǧa tiıs, – dedı Oljas Bektenov.
Premer-Ministr Ükımettıŋ otandyq tauar öndıruşılerın qoldau boiynşa auqymdy jūmys jürgızıp jatqanyn atap öttı. İnvestisiia kölemı 15 trln teŋgeden asatyn 17 ırı joba jüzege asyryluda, būl 26 myŋ jūmys ornyn qūruǧa jäne importqa täueldılıktı 1,5 trln teŋgege tömendetuge mümkındık beredı. Sonymen qatar memlekettık satyp alu şeŋberınde qazaqstandyq käsıporyndarmen jasalǧan kelısımşarttardyŋ sany 1,4 esege artty, al olardyŋ jalpy somasy 40%-ǧa östı.
Sondai-aq Ükımet basşysy eldıŋ agroönerkäsıptık keşenın qoldauǧa baǧyttalǧan zamanaui agrotehnologiialardy damytuǧa jäne auyl şaruaşylyǧyn ärtaraptandyruǧa arnalǧan şaralar turaly aityp berdı.
– Biyl egıs nauqanyn qarjylyq jäne materialdyq-tehnikalyq qamtamasyz etu mäselelerı negızınen şeşıldı. Köktemgı dala jūmystaryn jäne egın jinau nauqanyn qarjylandyru somasy 4 esege, 580 mlrd teŋgege deiın ūlǧaityldy. Būl – soŋǧy jyldar ışındegı eŋ auqymdy qarjylandyru kölemı. «Auyl amanaty» jobasy boiynşa auqymdy jūmys jürgızılıp jatyr. Soŋǧy ekı jylda auyl tūrǧyndaryna 100 mlrd teŋgeden astam somaǧa şaǧyn nesieler berıldı. Nätijesınde 20 myŋǧa juyq azamat öz käsıbın aşty, — dedı Premer-Ministr.
Oljas Bektenov Ükımet äleumettık mäselelerdı şeşuge erekşe nazar audaryp otyrǧanyn, sondyqtan memleket biudjetınıŋ jartysynan köbısı äleumettık salaǧa baǧyttalǧanyn atap öttı.
— Mäselen, kolledj studentterıne stipendiia mölşerı 50%-ǧa, bakalavriatqa 20%-ǧa, magistratura men doktoranturaǧa 15%-ǧa artty. 1 qyrküiekten bastap 445 myŋ studenttıŋ stipendiiasy ösedı. Sonymen qatar ziiandy eŋbek jaǧdailarynda jūmys ısteitın qyzmetkerler üşın äleumettık tölem engızıldı. Bügınde 1,7 mlrd teŋge kölemınde atalǧan tölemdı 9 myŋnan astam jūmysşy aldy, – dep tüsındırdı ol.
Premer-Ministr sondai-aq jūmysqa ornalastyru, mikrokredit beru, subsidiialau, medisinalyq saqtandyru jüiesıne tartu arqyly ömırdıŋ qiyn jaǧdaiyna tap bolǧan otbasylar sanyn qysqartu tetıgı turaly aityp berdı.
Talqylau qorytyndysy boiynşa Erlan Qoşanov älemdegı kürdelı geosaiasi ahualǧa jäne eldegı tabiǧi apattarǧa qaramastan, memlekettıŋ negızgı äleumettık mındettemelerı tolyq oryndalyp jatqanyn aitty. Ol Memleket basşysy jyl saiynǧy Joldaularynda halyqtyŋ äl-auqatyn arttyruǧa jäne eldı damytuǧa baǧyttalǧan auqymdy mındetter qoiatynyn atap öttı.
«Prezident Joldaularyndaǧy, Sailaualdy baǧdarlamasyndaǧy tapsyrmalardy sapaly oryndau – barşamyzdyŋ basty mındetımız. Qazırdıŋ özınde Memleket basşysynyŋ barlyq Joldauy, bergen uädelerı tolyq oryndalyp jatyr dep senımmen aita alamyz. Olar är azamattyŋ, är otbasynyŋ, är qalanyŋ, är auyldyŋ negızgı mäselelerın şeşuge baǧyttalǧan. Sondyqtan aldaǧy uaqytta da osy qarqyndy bäseŋdetpeuımız kerek. Parlament, Ükımet, jergılıktı atqaruşy organdar men azamattyq qoǧam üilesımdı ärı tiianaqty jūmys ısteuge tiıs», – dedı Mäjılıs Spikerı.Sondai-aq Erlan Qoşanov älemdegı kürdelı geosaiasi ahualǧa jäne eldegı tabiǧi apattarǧa qaramastan, memlekettıŋ negızgı äleumettık mındettemelerı tolyq oryndalyp jatqanyn aitty. Sonymen qatar ol halyqty alaŋdatyp jäne Ükımet tarapynan basa nazar audaryluyn talap etetın bırqatar mäselege toqtaldy. Būl – köktemgı su tasqynynyŋ saldaryn joiu, baǧanyŋ ösuı, jūmyssyzdyq, jylu beru mausymyna daiyndyq, mektepter men auruhanalar jetıspeuşılıgı.
Otyrysty qorytyndylai kele, Mäjılıs Spikerı Premer-Ministr Oljas Bektenovke jäne Ükımettıŋ barlyq müşesıne bırlesken jemıstı jūmysy üşın alǧysyn bıldırdı. Būl rette, ol fraksiia Premer-Ministr lauazymyna qatarynan ekınşı ret kandidatura ūsynyp otyrǧanyn, al Mäjılıs komitetterı ministrler kabinetınıŋ ärbır müşesınıŋ kandidaturasyn kelısetının aitty. Sondyqtan deputattar men Ükımet Memleket basşysynyŋ barlyq tapsyrmasynyŋ oryndaluy boiynşa halyq aldynda da, Prezident aldynda da jauapkerşılıgı ortaq. Mäjılıs Töraǧasy däl osy täsıl Qasym-Jomart Toqaev jariialaǧan «Küştı Prezident – yqpaldy Parlament – esep beretın Ükımet» qaǧidatyn jüzege asyruǧa mümkındık beretının atap öttı.
