Maŋǧystau oblysynda taǧy bır auyldyŋ alkogolden bas tartuy mümkın ekenı aityldy, dep habarlaidy "Adyrna" ūlttyq portaly.
Lada.kz deregınşe, Tüpqaraǧan audanynyŋ äkımı Rahat Eltızarov Tauşyq auylynyŋ tūrǧyndaryna alkogolden bas tartudy ūsynǧan.
Atalmyş auylda 3 myŋnan astam adam tūrady. Mūnda 1 ambulatoriia, 2 jeke medisinalyq ortalyq, 3 balabaqşa jäne 1 mektep jūmys ısteidı eken. Äkımnıŋ ündeuınde:
«Qūrmettı ardagerler! Işkı mädeniettı damytu jäne körşıles audandarda ötkızılgen jaqsy ürdıske süiene otyryp, Tauşyq auylyn "alkogolsız auyl" retınde köpke ülgı etudı jäne alkogoldık ışımdıkterden bas tartu jūmysyn jürgızudı ūsynamyn», – delıngen.Äkımnıŋ "alkogolsız auyl" ūsynysyna qarsylyq bıldırgender bolmaǧan körınedı. Aita keteiık, Maŋǧystauda byltyr özge bır auyl tolyǧymen alkogolden bas tartqan. Maŋǧystau oblysynyŋ Mūnaily audanyndaǧy Baiandy auylynda tūrǧyndar men käsıpkerler özara kelısıp, ışımdık satudan bas tartty. Būl şeşımnıŋ negızgı maqsaty — qylmystardy azaitu jäne auyldy ülgılı eldı mekenge ainaldyru. Auyl tūrǧyndaryna ışımdıktı satpau turaly memorandumǧa audan äkımdıgı men polisiia qol qoiyp, auyldaǧy barlyq dükenderde alkogol satylymy toqtatyldy. Sondai-aq, Soltüstık Qazaqstan oblysynyŋ Teŋdık auylynda da 20 jyldan berı alkogol satylmaidy. Būl bastamany auyl aqsaqaldary kötergen, al bügınde jergılıktı tūrǧyndar arasynda ışımdıkke sūranys joq. Auylda qylmys deŋgeiı de öte tömen, al tūrǧyndar bos uaqytynda otbasylyq şarualarmen ainalysyp, dene şynyqtyrumen şūǧyldanatyny turaly jariialanǧan bolatyn.
Ūqsas jaŋalyqtar
