Mańǵystaý oblysynda taǵy bir aýyldyń alkogolden bas tartýy múmkin ekeni aıtyldy, dep habarlaıdy "Adyrna" ulttyq portaly.
Lada.kz dereginshe, Túpqaraǵan aýdanynyń ákimi Rahat Eltizarov Taýshyq aýylynyń turǵyndaryna alkogolden bas tartýdy usynǵan.
Atalmysh aýylda 3 myńnan astam adam turady. Munda 1 ambýlatorııa, 2 jeke medıınalyq ortalyq, 3 balabaqsha jáne 1 mektep jumys isteıdi eken. Ákimniń úndeýinde:
«Qurmetti ardagerler! Ishki mádenıetti damytý jáne kórshiles aýdandarda ótkizilgen jaqsy úrdiske súıene otyryp, Taýshyq aýylyn "alkogolsiz aýyl" retinde kópke úlgi etýdi jáne alkogoldik ishimdikterden bas tartý jumysyn júrgizýdi usynamyn», – delingen.
Ákimniń "alkogolsiz aýyl" usynysyna qarsylyq bildirgender bolmaǵan kórinedi.
Aıta keteıik, Mańǵystaýda byltyr ózge bir aýyl tolyǵymen alkogolden bas tartqan. Mańǵystaý oblysynyń Munaıly aýdanyndaǵy Baıandy aýylynda turǵyndar men kásipkerler ózara kelisip, ishimdik satýdan bas tartty. Bul sheshimniń negizgi maqsaty — qylmystardy azaıtý jáne aýyldy úlgili eldi mekenge aınaldyrý. Aýyl turǵyndaryna ishimdikti satpaý týraly memorandýmǵa aýdan ákimdigi men polıııa qol qoıyp, aýyldaǵy barlyq dúkenderde alkogol satylymy toqtatyldy.
Sondaı-aq, Soltústik Qazaqstan oblysynyń Teńdik aýylynda da 20 jyldan beri alkogol satylmaıdy. Bul bastamany aýyl aqsaqaldary kótergen, al búginde jergilikti turǵyndar arasynda ishimdikke suranys joq. Aýylda qylmys deńgeıi de óte tómen, al turǵyndar bos ýaqytynda otbasylyq sharýalarmen aınalysyp, dene shynyqtyrýmen shuǵyldanatyny týraly jarııalanǵan bolatyn.
