Köpten berı körınbei ketken belgılı dästürlı änşı, önertanuşy Erlan Töleutai özınıŋ fb paraqşasynda äserlı jazba jariialap, 19 jeltoqsan Qaraǧandy qalasynda jeke şyǧarmaşylyq keş ötkızetının habarlap, süiınşı jaŋalyqpen bölıstı. Būl turaly "Adyrna" ūlttyq portaly jazady.
Ruhaniiat janaşyry körınbei ketuınıŋ sebebın tüsındırıp, qazır nemen ainalysyp jürgenın aitty.
"Men FB-te bolmaǧaly qai zaman?! Eŋ keiıngı jazbamdy 6 qazan künı jariialappyn. Sodan berı ekı jarym aidai uaqyt ötıptı. Jalpy, biyl äsırese soŋǧy jarty jyldyqta FB betınde öndırtıp eşteŋe jariialai qoiǧan joqpyn. Sebebı biyl jūmys köp boldy. Kıtap jazdym küzge deiın, sosyn küz boiy Ūiǧyr audanynda tüsırılımde boldym. Kinonyŋ basqa da bastan asyp jatqan jūmystary bar degendei. Sodan men FB-tan suyp bar qalyppyn.... Äleumettık jelıden qol üzgen jaqsy – bır jaǧynan.. Şyǧarmaşyşylyq, basqa da jūmystaryŋ öndidı. Ekınşı jaǧy bar – qoǧamda bolyp jatqan oqiǧalardan qol üzıp qalasyŋ. Jazba jariialap, pıkır bıldırmek tügılı tıptı eşkımnıŋ quanyşyna, qyzyǧyna ortaqtasa almai qaldym. Ǧafu etersızder, dostar! Būdan bylai sirek bolsa da şyǧyp tūramyn endı. Öitkenı jyl boiy jiǧan qorjynym toq. Sony sızdermen bölıspek oiym bar. Bıldıretın pıkır de jeterlık", - dep jazdy Erlan Töleutai.Sonau 1990 jyldardyŋ soŋynan berı Qaraǧandydaǧy önerlı jastardyŋ altyn qazyǧy bolyp, künı bügınge deiın ruhaniiatqa airyqşa üles qosyp kele jatqan Erlan Töleutai özınıŋ tuǧan oblysynda tūŋǧyş ret "Atyŋnan ainalaiyn, Qaraǧandy" atty jeke şyǧarmaşylyq keşınıŋ ötkelı jatqanyn aityp, rizaşylyǧyn jetkızdı.
"Sonyŋ bırı Qaraǧandyda şyǧarmaşylyq keşım ötkelı jatyr. Tuǧan oblysymda tūŋǧyş ret jäne oblystyq äkımşılık pen oblystyq mädeniet basqarmasynyŋ mūryndyq boluymen. Būl men üşın zor quanyş. Sol üşın bügın Qaraǧandyǧa keldım. Daiyndyq jūmystaryna qatystym. Oblystyq Mädeniet basqarmasynda keşıme bailanysty äzırlık jūmystary qyzu jürıp jatyr eken. Toǧaiyp, marqaiyp qaldym. Degenmen ıştei mazasyzdanu bar. Sebebı 2017 jyldan berı ülken sahnaǧa şyqqan joqpyn. Ne de bolsa – täuekel dep şiryǧudamyn. Qysqasy, erteŋgı bolatyn şyǧarmaşylyq keşıme kelıŋızder, qaraǧandylyqtar, astanalyqtar! Şyǧarmaşylyq keşıme önerdegı jaqyn dostarym qatysady jäne ol dostarym tek menıŋ änderımdı şyrqamaq. Atap aitqanda: Ramazan Stamǧaziev, Meruert Tüsıpbaev, Erkın Şükıman, Roza Älqoja, Erlan Qūjimanov, Seiıl Aiaǧanov sekıldı saiypqyrandar öner körsetpek. Kelıŋızder, tamaşalaŋyzdar qadırmendı qaraǧandylyqtar men qala qonaqtary!",- deidı önertanuşy.
"Adyrna" ūlttyq portaly
Ūqsas jaŋalyqtar
