Burynǵy kúıeýiniń qolynan qaza tapqan áıeldiń týystary óz isine nemquraıly qaraǵan polıeılerdi de jazalaýdy suraıdy, dep habarlaıdy "Adyrna" ulttyq portaly.
Qaraǵandylyq Gúlmıra Taımasovanyń týystary mán-jaıdy ashyp aıtqan.
Marqumnyń ápkesi Aıgúl Ómirzaqova ólim bolǵan kúni tártip saqshylary kúdiktini alyp ketkende qaıǵyly oqıǵanyń aldyn alýǵa bolatynyn aıtady.
"Sol kúni keshke ákesiniń anasyn uryp jatqanyn kórip, uly polıııa shaqyrdy. Polıııa qyzmetkerleri keldi, marqum bul adamnan 30 kún boıy qorǵaýdy surap ótinish jazǵan. Biraq olar ótinish jazdyryp alǵanymen, kúıeýin ózderimen birge alyp ketpedi. Sińilim ózderimen alyp ketýin ótingen. Polıııa ketkennen keıin eki saǵattyń ishinde kúıeýi ony óltirdi. Ol sińilimdi únemi uryp-soǵyp, qorqytyp, balalardy shoshytyp ketetin. Qansha shaǵym jazsa da bir de bir ret jazalanǵan joq. 2022 jyly men onyń uryp-soǵyp jatqanyn kórgenmin, sol kezde sińilimdi qoldaǵanym úshin meni qosa uryp tastaǵan. Munyń bári balalar men meniń qyzymnyń kóz aldynda boldy. Sodan keıin men de onyń ústinen aryz jazdym. Uryp-soqqan jerlerimdi dálel retinde kórsettim. Bastapqyda isti sozyp júrdi, keıin toqtatyp tastady. Biz onymen tatýlasqan joqpyz, biraq ol jaýapqa tartylǵan joq. Qazir biz prokýratýraǵa deıin baryp, ápkemizdi qorǵap qalmaǵanymyzǵa ókinemiz", – deıdi Aıgúl Ómirzaqova.
Marqum Gúlmıra Taımasova ashanada jumys istese, onyń ólimine kúdikti deptanylǵan eks-jubaıy júk kóliginiń júrgizýshisi bolǵan. Erli-zaıyptylar 10 jyl buryn ajyrassa da birge turyp kelgen. Marqumnyń anasy kúıeý balasynyń túzeletinine sengenin aıtady.
"Men onyń qyzymdy uratynyn biletinmin. Bir kezderi biraz ýaqyt bizdiń qolymyzda turdy, sol kezde kúıeý balam tipti meni de uryp tastaǵan. Ol óte ashýshań boldy. Men qyzymnan “Shydap júre beresiń be” dep suraǵanymda "Balalar ósip keledi, ózgeretin shyǵar. Olardy aıaqqa turǵyzý jalǵyz ózime qıyn bolady” deıtin. Sońǵy jyldary ekeýi ursyspasyn dep úıilerine barýdy qoıdym. Onyń ústine qyzym keıingi kezde kúıeýinen qorqatynyn jıi aıtatyn. Kúıeýi “Óltiremin” degen sózdi jıi aıtty. Qyzymdy ǵana emes, balalardy da óltiremin dep qorqytatyn. Sońǵy aıda ol jumysynan da shyǵyp qaldy, úıde bos jatty. Úıde jatyp iship, keshke deıin janjal shyǵarady. Sol kúni keshke bir nárse bolatynyn júregim sezdi. Nemereme qońyraý shalyp edim, ol men ýaıymdaıdy dedi me, álde ákesi maǵan tıisedi dedi me eshteńe aıtpady", – dedi marqumnyń anasy Rysbala Ómirzaqova.
Marqumnyń balalary qazir naǵashylarynyń qolynda. Olarǵa arnaıy psıholog kómek kórsetip jatqany habarlandy.
