22 qazan künı Aqtauda Respublika künı qarsaŋynda ūiymdastyrylǧan ūlttyq kiımder şeruıne Maŋǧystau oblysynyŋ 500-ge juyq tūrǧyny qatysty. Būl turaly Maŋǧystau oblysynyŋ qoǧamdyq kommunikasiialar ortalyǧy mälımdedı, dep habarlaidy “Adyrna” ūlttyq portaly.
Ūlttyq kiımnıŋ äsemdıgı men daralyǧyn körsetuge bel buǧandardyŋ qatarynda dizainerler, tıgınşıler, sän üilerı, sondai-aq qaladaǧy ırı mekemeler men bılım beru ūiymdarynyŋ ökılderı, oblys ortalyǧynyŋ tūrǧyndary bar. Şerudıŋ basty maqsaty – qazaqtyŋ ūlttyq kiım ülgılerın qoǧamda keŋınen nasihattap, zaman talabyna sai jaŋǧyrtyp, sän älemıne engızu.
Şara erekşe formatta bastaldy. Bürkıttıŋ qauyrsynymen bezendırılgen ūlttyq bas kiım kigen qyz-kelınşekter men analar qazaqtyŋ ūlttyq kiımderımen qoǧamdyq kölıkterge mınıp, halyq änderın şyrqap, jolauşylarǧa tamaşa köŋıl-küi syilady.
Şerudıŋ negızgı bölıgı teŋız jaǧalauynda jalǧasty. Dästürlı şapan men taqiia kigen qariialar ūlttyq mädeniettıŋ körnektı beinesın paş etse, mektep oquşylary ūlttyq naqyştaǧy kiımderımen şeruge erekşe sän berdı. Sonymen qatar, äje bas kiımderı – kimeşek pen merekelık kiımderden bastap, qalyŋdyq kietın säukelege deiın ūlttyq kiımderdıŋ özındık jäne zamanaui ülgılerı köpşılık nazaryna ūsynyldy.
Şara aiasynda asyq atu, toǧyzqūmalaq, arqan tartu, qazaqşa küres siiaqty dästürlı ūlttyq oiyndar ūiymdastyrylyp, jeŋımpazdar arnaiy marapattarǧa ie boldy.
Aita keterlıgı, ūlttyq kiımder şeruın ışkı saiasat jäne tılderdı damytu bölımınıŋ memlekettık äleumettık tapsyrysy aiasynda «Maŋǧystau» jergılıktı bastamalardy qoldau ortalyǧy» qoǧamdyq qory ūiymdastyrdy.
