Búgin Astana qalasynyń Botanıkalyq baǵynda saǵat 09:00-de «Pink Run» áleýmettik-sporttyq sharasy ótti. Esil aýdandyq ákimdiginiń uıymdastyrýymen ótken is-shara Rakpen kúres aıynda uıymdastyrylyp, sút bezi qaterli isiginiń aldyn alý men erte anyqtaýdyń mańyzdylyǵyn nasıhattaýǵa baǵyttaldy.
Sharaǵa Qazaqstannyń barlyq óńirlerinen kelgen onkolog dárigerler, paıentter jáne máseleniń ózektiligin túsinetin qarapaıym azamattar qatysty. Uıymdastyrýshylardyń málimdeýinshe, bul joba qoǵamnyń nazaryn sút bezi qaterli isigine qarsy kúreske aýdaryp, áıelderge turaqty medıınalyq tekserýlerden ótý qajettiligin eske salýǵa baǵyttalǵan.
Marafonda 350-den astam qatysýshy túrli deńgeıdegi qashyqtyqtar boıynsha jarysqa tústi — 1,3 km jáne 3,9 km. Júgirýge barlyq jastaǵy jáne kez kelgen daıyndyq deńgeıindegi adamdar qatysty. Qatysýshylarǵa shamamen 60 baǵaly syılyqtar men medaldar tabystaldy.
«Erte dıagnostıka sút bezi qaterli isigin emdeýdiń tabysty bolýyna negiz bola alady. Bul aýrý álemdegi áıelder arasynda eń jıi kezdesetin onkologııalyq dert bolyp tabylady. Qazaqstanda jyl saıyn shamamen 5000 áıel osy aýrýǵa shaldyǵady, al 1200-ge jýyǵy osy derttiń saldarynan kóz jumady. Eger aýrý erte satysynda anyqtalsa, ony emdeý múmkindigi 90%-ǵa deıin artady. Sondyqtan, «Pink Run» syndy sharalar turaqty tekserýlerdiń mańyzdylyǵy týraly habar taratýdy jáne qoǵamdy osy máseleni sheshýge jumyldyrýdy maqsat etedi», — dep atap ótti onkolog-mammolog dáriger, «Onkolog-mammologtar qoǵamy» qoǵamdyq birlestiginiń tóraıymy Dınara Ermekqyzy Samenova.
