Prezident Qasym-Jomart Toqaev Mäjılıs Töraǧasy Erlan Qoşanovty qabyldady. Būl turaly Aqordanyŋ baspasöz qyzmetı jazdy, dep habarlaidy «Adyrna» tılşısı.
Memleket basşysyna Parlamenttıŋ tömengı palatasynyŋ VIII şaqyrylymynyŋ I sessiiasy aiasyndaǧy qyzmetı turaly mälımet berıldı.
Mäjılıs spikerı sessiia bastalǧannan berı mäjılısmenderdıŋ qarauynda bolǧan 82 zaŋ jobasynyŋ 20-na deputattar bastamaşylyq jasaǧanyn atap öttı. Olardyŋ ışınde Zaŋsyz iemdenılgen aktivterdı qaitaru, Onlain-platformalar jäne onlain-jarnama, Semei iadrolyq qauıpsızdık aimaǧy, sūiytylǧan gaz ainalymy, elektrlı samokattardyŋ qozǧalysyn retteu turaly jäne basqa da zaŋdar bar.Erlan Qoşanov konstitusiialyq reformanyŋ qorytyndysy boiynşa Palatanyŋ jūmys formatyna engızılgen özgerıster jönınde aqparat berdı. Mäjılıstıŋ 6 partiialyq fraksiiadan, sondai-aq bır mandatty deputattardan jasaqtaluy zaŋ şyǧaru jūmysynyŋ aşyqtyǧyn arttyryp, sailauşylarmen kerı bailanysty küşeittı. Olar Ükımet müşelerıne joldaǧan deputattyq saualdarynda azamattardyŋ özektı mäselelerın köbırek kötere bastady. Ötken sessiia barysynda alǧaş ret jylumen qamtamasyz etu salasyndaǧy basqaruǧa qatysty Joǧary auditorlyq palatanyŋ esebı tyŋdaldy jäne atalǧan salada keşendı problemalar bar ekenı anyqtaldy. Töraǧanyŋ aituynşa, deputattar qoǧamdaǧy, sonyŋ ışınde öŋırlerge jasaǧan saparlary kezınde jinaqtaǧan problemalar boiynşa jauapty ministrlıkter basşylyǧynyŋ aldyna bırqatar naqty mäsele qoidy. Jylu elektr ortalyqtaryn jäne jylumen qamtamasyz etu jelılerın jaŋǧyrtuǧa erekşe nazar audaryldy. Būdan bölek Qoşanov mäjılısmenderdıŋ öŋırlerde halyqpen kezdesuler ötkızıp jatqanyn atap öttı. Sapar barysynda Mäjılıstıŋ kelesı sessiiasynda qaralatyn Su, Biudjet, Salyq jäne Qala qūrylysy kodeksterınıŋ jobalary boiynşa talqylaular ūiymdastyrylyp, ūsynystar jinaqtalady.
Ūqsas jaŋalyqtar
