Memleket basşysy TMD-ǧa müşe memleketter basşylary keŋesınıŋ otyrysynda Qazaqstannyŋ sanksiialarǧa qatysty ūstanymyn aitty, dep "Adyrna" tılşısı Aqordaǧa sılteme jasap habarlaidy.
Qazaqstan Prezidentımemleket basşylary bas qosqan jiynda qonaqjailyq körsetkenı jäne TMD-ǧa töraǧalyq etu barysynda Qyrǧyzstannyŋ tabysty jūmys atqarǧany üşın Qyrǧyzstan prezidentı Sadyr Japarovqa alǧys aitty.
Sondai-aq Memleket basşysy geosaiasi qaişylyqtardyŋ şielenıse tüskenın atap ötıp, älem ekonomikasynda tūraqsyzdyq küşeigenın aityp, memlekettıŋ äl-auqatyna kerı äser etetın ekonomikalyq sanksiialardy qoldanuǧa tübegeilı qarsy ekenın jetkızdı.
Prezident Qasym-Jomart Toqaev otyrys barysynda Taiau Şyǧystaǧy qazırgı ahualǧa qatysty pıkır bıldırdı:
–Qazaqstan halyqaralyq özektı problemalardy şeşu üşın laŋkestık ädısterdı qoldanuǧa üzıldı-kesıldı qarsy. Ondaǧan jyl boiy şeşımın tappai kele jatqan mındetterdı jüzege asyru üşın beibıt azamattarǧa zorlyq-zombylyq körsetıp, terrorlyq aksiialar jasauǧa bolmaidy. Būl – eş aqtauǧa kelmeitın äreket, – dedı Prezident.Memleket basşysy TMD janyndaǧy Serıktes jäne Baqylauşy märtebesınıŋ bekıtıluın bügıngı otyrystyŋ aituly oqiǧasy retınde atap öttı. Sonymen qatar, Qasym-Jomart Toqaev BŪŪ Qauıpsızdık Keŋesındegı qazırgı toqyrau jaǧdaiynda ämbebap ūiymnyŋ ökıldık aiasy anaǧūrlym keŋ organy sanalatyn BŪŪ Bas Assambleiasynyŋ rölın küşeituge mümkındık bar ärı qajet dep esepteidı.
–Būl rette BŪŪ Qauıpsızdık Keŋesın reformalau ısınde asyǧystyq tanytuǧa bolmaidy. Bızdıŋ oiymyzşa, būl maŋyzdy organǧa älemnıŋ barlyq aimaǧynyŋ elderı, sonyŋ ışınde jahandyq Oŋtüstık memleketterı müşe boluǧa tiıs. Şyn mänınde, būl ūstanymdy osy jiynǧa qatysyp otyrǧan memleketter basşylarynyŋ barlyǧy qūptaityny quantady", – dedı Prezident.
Ūqsas jaŋalyqtar
