Memleket basshysy Qasym-Jomart Toqaev Qazaqstannyń BRIKS-ke qosylýy týraly usynys aldy. Bul týraly Prezıdenttiń baspasóz hatshysy Berik Ýálı Tengrinews.kz-ke aıtty, dep habarlaıdy “Adyrna” ulttyq portaly.
«Qazannyń 23-24-i qazanda BRIKS sammıti ótedi. Bilýimizshe, prezıdent Qasym-Jomart Toqaev bul forýmǵa qazir osy birlestikti basqaryp otyrǵan Vladımır Pýtınniń qonaǵy retinde shaqyrylǵan. Prezıdenttiń josparynda BRIKS sammıtine qatysý bar. Ol sonda 24 qazanda uıymnyń aýtrıch formatyndaǵy keńeıtilgen otyrysynda sóz sóıleýdi josparlap otyr», - dedi Berik Ýálı.
BRIKS-ke kirýge ótinimderdi Ázirbaıjan, Belarýs jáne TMD-nyń basqa elderi de berýi múmkin.
Berik Ýálıdiń aıtýynsha, Qazaqstan BRIKS uıymynyń damýyn muqııat baqylap otyr jáne onyń negizin qalaýshy memleketterdiń kez kelgen iri derjavalardyń gegemonııasynan azat, ádil jáne demokratııalyq álemdik tártip qurýǵa shaqyrýlaryn qoldaıdy.
Sonymen qatar, qazirgi tańda jáne jaqyn bolashaqta Qazaqstan BRIKS-ke múshelikke ótinish bermeıdi. Bul sheshim uıymnyń damý perspektıvalary men kóp satyly proesin eskere otyryp qabyldanǵan.
Prezıdent hatshysynyń aıtýynsha, Qazaqstannyń syrtqy saıasatyndaǵy negizgi basymdyq Birikken Ulttar Uıymyna beriledi. Prezıdent Qasym-Jomart Toqaev birneshe ret BUU-nyń ádiletti álemdik tártipti qalyptastyrýdaǵy rólin atap ótken. Uıymnyń keıbir kemshilikteri bolǵanymen, basqa balama qurylym joq, sondyqtan BUU halyqaralyq qoldaýǵa muqtaj.
