Aqtóbede oqýshynyń avtobýs edenin jýýǵa májbúr bolǵany týraly aqparat rastalmady, dep habarlaıdy "Adyrna" ulttyq portaly.
Áleýmettik jelilerde №19 baǵyttaǵy avtobýstyń júrgizýshisi bıletsiz júrgen oqýshyny salondy tazalaýǵa májbúrlegeni jóninde aqparat taraǵan bolatyn. Osyǵan baılanysty qalalyq turǵyn úı-kommýnaldyq sharýashylyq bólimi ókilderiniń qatysýymen komıssııa qurylyp, polıııa tergeý júrgizdi. Alaıda tekserý nátıjesinde mundaı faktilerdiń rastalmaǵany belgili boldy.
"Aqtóbe qalasyndaǵy № 19 baǵyttaǵy avtobýstar "Avtopark" JShS-ne tıesili. Polıııa osy shaǵym boıynsha marshrýttyń júrgizýshilerine qatysty muqııat tergeý júrgizdi. Tekserý nátıjesinde oqýshynyń eden jýýǵa májbúr bolǵandyǵy týraly aqparat rastalmady. Bul aqparat jalǵan. Avtobýs júrgizýshileriniń mindeti — jolaýshyny belgilengen aıaldamaǵa qaýipsiz jetkizý", – dedi Aqarys Tileýlesov.
Buǵan deıin Oqý-aǵartý mınıstrligi oqıǵaǵa quqyqtyq baǵa berý úshin Bas prokýratýranyń aralasýyn talap etken edi. Biraq júrgizilgen tergeý bul aqparattyń negizsiz ekenin kórsetti.
