Jezqazǵannan 65 shaqyrym jerde eki júk poıyzy soqtyǵysty. Bul týraly QTJ baspasóz qyzmeti túsinik berdi, dep habarlaıdy “Adyrna” ulttyq portaly.
"15 qazanda saǵat 10:10-da "Sarysý" razeziniń mańynda jekemenshik teplovoz ben jeke lokomotıv soqtyǵysty. Saldarynan bes bos vagon men teplovoz aýdarylyp qaldy. Jeke lokomotıv brıgadalary ortasha dárejede jaraqat aldy", - dep habarlady QTJ.
Sondaı-aq kompanııa oqıǵa basqa poıyzdardyń qozǵalysyna áser etpegenin atap ótti.
Belgili bolǵandaı, oqıǵa Jezqazǵannan 65 shaqyrym jerde «Qazaqmys» JShS temirjolynda bolǵan.
Esterińizge sala keteıik, 9 qazan kúni Aqmola oblysynda eki poıyzdyń betpe-bet soqtyǵysqany belgili boldy. Budan keıin QTJ Surǵan stansasyndaǵy júk poıyzy relsten shyǵyp ketken jerge komıssııa jiberilgenin, relsten shyǵyp ketý saldaryn joıý úshin qalpyna keltirý poıyzdarynyń kóterilgenin habarlady. Soqtyǵys faktisi boıynsha qylmystyq is qozǵaldy.
