Mäjılısmen qaza tapqan Şerzat Bolattyŋ üiınıŋ örtenuıne qatysty pıkır bıldırdı, dep habarlaidy "Adyrna" ūlttyq portaly.
Mäjılıs deputaty Ashat Aimaǧambetov Telegram-arnasynda qaiǧyly oqiǧaǧa qatysty pıkır bıldırdı.
"Talǧarda bolǧan qaiǧyly oqiǧa jaǧa ūstatty. Jas jıgıttı öltırıp, otbasynyŋ üiın örtep jıbergen jauyzdyq, haiuandyq jäne ädıletsız qylmys bärımızdıŋ qabyrǧamyzdy qaiystyrdy. Būl oqiǧa tek qūqyq qorǧau organdaryna ǧana emes, bükıl qoǧamǧa syn. Şerzat Bolattyŋ otbasyna qaiǧyryp köŋıl aitamyn. Būl ıstı tergeude barynşa aşyqtyq pen ädıldık qajet. Kınälılerdıŋ barlyǧy zaŋ aldynda jauapqa tartylyp, öz jazasyn aluy tiıs. Polisiia men prokuratura eşkımnıŋ jazadan qūtylyp ketpeuın qamtamasyz etuı kerek. Būl qylmys qūqyq qorǧau organdarynda jüielı reformalardy ıske asyruǧa sebep boluy qajet.
Būl zaŋnyŋ talaby ǧana emes, qoǧam aldyndaǧy paryzymyz", - dedı ol.
Odan bölek, mäjılısmen bärı zaŋ aiasynda boluy kerektıgın aitty.
"Kınälılerge qarsy zorlyq-zombylyq tanytu mäselenı şeşpeidı. Qaqtyǧysty uşyqtyrmai, öz narazylyǧymyz ben pozisiiamyzdy bıldıru kezınde zaŋdy būzbai, oŋtaily joldy qoldanǧan jön. Barlyq mäselenı zaŋ aiasynda şeşuge bolady jäne bızdıŋ qoǧamda kez kelgen mäsele solai şeşıluı qajet. Būl qaiǧyly oqiǧany qasaqana türde jaǧdaidy tūraqsyzdandyru üşın paidalanuy mümkın ekenın joqqa şyǧarmaimyn. Sondyqtan qazır arandatuǧa boi aldyrmau, ädıl jazany qamtamasyz etu jäne qūqyq qorǧau jüiesınde tereŋ, jüielı reformalar jasau üşın küş-jıgerımızdı bırıktıru asa maŋyzdy", - dep jazdy Aimaǧambetov.
Mäjılısmen tekserılmegen aqparatqa senbeuge şaqyrdy.
"Tekserılmegen aqparattardy taratyp, eldı dürlıktırmeiık. Barlyq şeşımder tek zaŋ şeŋberınde qabyldanuy tiıs. Qūqyq qorǧau organdarynyŋ qajettı küşterı tolyq jūmyldyryldy. Būl ıs Bas prokurordyŋ baqylauyna alynǧan, al otbasy polisiia qorǧauynda. Qazırgı uaqytta qylmyskerlerdı jazalap, qūqyqtyq jüienıŋ barlyq qaharly küşın körsetu maŋyzdy", - dedı ol.
Aita keteiık, 12 qazan künı Talǧarda marqūm Şerzat Bolattyŋ tūrǧan üiı örtenıp kettı.
Ūqsas jaŋalyqtar
