Májilismen qaza tapqan Sherzat Bolattyń úıiniń órtenýine qatysty pikir bildirdi, dep habarlaıdy "Adyrna" ulttyq portaly.
Májilis depýtaty Ashat Aımaǵambetov Telegram-arnasynda qaıǵyly oqıǵaǵa qatysty pikir bildirdi.
"Talǵarda bolǵan qaıǵyly oqıǵa jaǵa ustatty. Jas jigitti óltirip, otbasynyń úıin órtep jibergen jaýyzdyq, haıýandyq jáne ádiletsiz qylmys bárimizdiń qabyrǵamyzdy qaıystyrdy. Bul oqıǵa tek quqyq qorǵaý organdaryna ǵana emes, búkil qoǵamǵa syn. Sherzat Bolattyń otbasyna qaıǵyryp kóńil aıtamyn. Bul isti tergeýde barynsha ashyqtyq pen ádildik qajet. Kinálilerdiń barlyǵy zań aldynda jaýapqa tartylyp, óz jazasyn alýy tıis. Polıııa men prokýratýra eshkimniń jazadan qutylyp ketpeýin qamtamasyz etýi kerek. Bul qylmys quqyq qorǵaý organdarynda júıeli reformalardy iske asyrýǵa sebep bolýy qajet.
Bul zańnyń talaby ǵana emes, qoǵam aldyndaǵy paryzymyz", - dedi ol.
Odan bólek, májilismen bári zań aıasynda bolýy kerektigin aıtty.
"Kinálilerge qarsy zorlyq-zombylyq tanytý máseleni sheshpeıdi. Qaqtyǵysty ýshyqtyrmaı, óz narazylyǵymyz ben pozıııamyzdy bildirý kezinde zańdy buzbaı, ońtaıly joldy qoldanǵan jón. Barlyq máseleni zań aıasynda sheshýge bolady jáne bizdiń qoǵamda kez kelgen másele solaı sheshilýi qajet. Bul qaıǵyly oqıǵany qasaqana túrde jaǵdaıdy turaqsyzdandyrý úshin paıdalanýy múmkin ekenin joqqa shyǵarmaımyn. Sondyqtan qazir arandatýǵa boı aldyrmaý, ádil jazany qamtamasyz etý jáne quqyq qorǵaý júıesinde tereń, júıeli reformalar jasaý úshin kúsh-jigerimizdi biriktirý asa mańyzdy", - dep jazdy Aımaǵambetov.
Májilismen tekserilmegen aqparatqa senbeýge shaqyrdy.
"Tekserilmegen aqparattardy taratyp, eldi dúrliktirmeıik. Barlyq sheshimder tek zań sheńberinde qabyldanýy tıis. Quqyq qorǵaý organdarynyń qajetti kúshteri tolyq jumyldyryldy. Bul is Bas prokýrordyń baqylaýyna alynǵan, al otbasy polıııa qorǵaýynda. Qazirgi ýaqytta qylmyskerlerdi jazalap, quqyqtyq júıeniń barlyq qaharly kúshin kórsetý mańyzdy", - dedi ol.
Aıta keteıik, 12 qazan kúni Talǵarda marqum Sherzat Bolattyń turǵan úıi órtenip ketti.
