Taşkenttegı önerkäsıp qoimasynda bolǧan jarylys saldarynan 17 jastaǧy jasöspırım qaza tauyp, 163 adam jaraqat aldy. Būl turaly Gazeta.uz portaly jariialady, dep habarlaidy “Adyrna” ūlttyq portaly.
Aqparatqa säikes, 24 adam Respublikalyq jedel medisinalyq järdem ǧylymi ortalyǧy men onyŋ Taşkent oblystyq filialyna, qalalyq jedel järdem auruhanasyna, 1-şı respublikalyq jäne 1-şı qalalyq klinikalyq auruhanaǧa, 1-şı perzenthanaǧa jatqyzylǧan.
Al qalǧan 138 zardap şekkenderge ambulatorlyq kömek körsetılıp, üilerıne jıberılgen. 17 jastaǧy jasöspırımnıŋ öz päterınde qaitys bolǧany turaly aqparatty Densaulyq saqtau ministrlıgı rastady.
Qazırgı uaqytta stasionarda emdelıp jatqan nauqastardyŋ arasynda auyr jaraqat alǧandar joq. Olardyŋ densaulyqtary qanaǧattanarlyq. Medisinalyq kömek körsetuge respublikamyzdyŋ jetekşı mamandary jūmyldyryldy, - dep habarlady vedomstvonyŋ baspasöz qyzmetı.
Sondai-aq, jarylys tolqyny köpqabatty üilerdegı ondaǧan päterdıŋ terezelerın syndyrǧan. Köptegen tūrǧyndar kölıkterıne ūiyqtauǧa mäjbür bolǧan. Keibır kölıkterge zaqym kelgen.
Tötenşe jaǧdailar ministrlıgı jarylys bolǧan jerge 16 ört söndıru jäne qūtqaru brigadasy men üş baspaldaq kölıgı jıberılgenın habarlady.
