Mańǵystaý oblysynyń polıııa departamenti óńirde azamattyq qarýdy satyp alýǵa ruqsat berý kezinde zań buzýshylyqtar týraly paıda bolǵan aqparatty joqqa shyǵardy, dep habarlaıdy "Adyrna" ulttyq portaly.
Bir kún buryn Mańǵystaý oblysynyń prokýratýrasy qadaǵalaý organynyń esebin ýaqtyly qaramaǵany úshin Túpqaraǵan aýdandyq ishki ister bólimi bastyǵynyń mindetin atqarýshynyń tártiptik jaýapkershilikke tartylǵanyn habarlady.
Departamenttiń málimetinshe, densaýlyqqa qasaqana jeńil zııan keltirgeni jáne turmystyq zorlyq-zombylyq jasaǵany úshin ákimshilik jaýapkershilikke tartylǵan tulǵalar ruqsattardy alǵan. Atalǵan zańbuzýshylyqtardy joıý maqsatynda Túpqaraǵan aýdandyq ishki ister bólimine usynys engizilip, zańda belgilengen bir aı merzimde qaralmaǵan.
Mańǵystaý oblysynyń polıııa departamenti birinshi oqıǵa boıynsha 2021 jyldyń jeltoqsan aıynda Aqtaý qalasynda otbasy-turmystyq qatynastar salasyndaǵy zańsyz áreketteri úshin azamat ákimshilik jaýapkershilikke tartylǵanyn habarlady.
2023 jyly er adam Túpqaraǵan aýdanyna qonys aýdarǵan. Ol qylmys jasaǵanǵa deıin qarýǵa ruqsat alǵan, mundaı quqyq bes jylǵa beriledi.
«Iaǵnı, polıııa bul azamatqa quqyqbuzýshylyqtan keıin azamattyq qarýdy saqtaýǵa jáne alyp júrýge ruqsat bermegen», - dep atap ótti Mańǵystaý oblysynyń polıııa departamentindegiler.
Ekinshi jaǵdaıda, 2023 jyldyń 10 qazanynda «102» pýltine otbasy-turmystyq qatynastar salasyndaǵy zańsyz áreketter týraly qońyraý túken.
«Osydan keıin er adam dereý ákimshilik jaýapkershilikke tartyldy, sol kúni ýchaskelik ınspektorlar eki birlik azamattyq qarýdy tárkiledi», - dep habarlady departamenttegiler.
Atalǵan qarý Túpqaraǵan aýdandyq ishki ister bóliminiń arnaıy kamerasynda saqtaýly. Azamattyń qarýdy odan ári saqtaýǵa jáne alýǵa quqyǵy joq.
«Polıııa eshqandaı jaǵdaıda ákimshilik jáne qylmystyq jaýapkershilikke tartylǵan azamattarǵa azamattyq qarýdy alýǵa jáne saqtaýǵa ruqsat bermeıdi», - dep habarlady oblystyq polıııa departamenti.
Aıta keteıik, Mańǵystaýda Túpqaraǵan aýdanynyń Polıııa bólimi bastyǵynyń mindetin atqarýshy jaýapqa tartylǵany týraly jazǵan edik.
