Qyzylordada tüzeu mekemesıne kelgen sälemdemeden, qoldan jasalǧan qūrt ışınen esırtkı şyqty, dep habarlaidy "Adyrna" ūlttyq portaly QazAqparat saityna sılteme jasap.
Būl oqiǧa Qyzylorda oblysy boiynşa qylmystyq atqaru jüiesı departamentıne qarasty ZK-169/5 mekemesınde boldy. Qylmystyq kodekstıŋ 297-baby 3-bölıgımen jazasyn ötep jatqan.
V esımdı azamatqa joldanǧan sälem-sauqattyŋ ışınen esırtkı tektes zat anyqtaldy. Alty dana qūrttyŋ ışınen däkege oralyp salynǧan özıne tän hoş iısı bar şöp tärkılendı.
"Mekemege Qyzylorda qalalyq Polisiia basqarmasynyŋ jedel-tergeu toby şaqyrtyldy. Tärkılengen zat boiynşa sot saraptama jūmystarynyŋ nätijesınde ol salmaǧy 3,2 gramm keptırılgen marihuana bolyp şyqty. Atalǧan derek boiynşa QR Qylmystyq kodeksınıŋ 297-babynyŋ 3-bölıgımen sotqa deiıngı tergep-tekseru jūmystary jürgızılude", – dep mälım ettı Qyzylorda oblysy boiynşa Qylmystyq-atqaru jüiesı departamentınen.
"Adyrna" ūlttyq portaly
Ūqsas jaŋalyqtar
