Qyzylordada túzeý mekemesine kelgen sálemdemeden, qoldan jasalǵan qurt ishinen esirtki shyqty, dep habarlaıdy "Adyrna" ulttyq portaly QazAqparat saıtyna silteme jasap.
Bul oqıǵa Qyzylorda oblysy boıynsha qylmystyq atqarý júıesi departamentine qarasty ZK-169/5 mekemesinde boldy. Qylmystyq kodekstiń 297-baby 3-bóligimen jazasyn ótep jatqan.
V esimdi azamatqa joldanǵan sálem-saýqattyń ishinen esirtki tektes zat anyqtaldy. Alty dana qurttyń ishinen dákege oralyp salynǵan ózine tán hosh ıisi bar shóp tárkilendi.
"Mekemege Qyzylorda qalalyq Polıııa basqarmasynyń jedel-tergeý toby shaqyrtyldy. Tárkilengen zat boıynsha sot saraptama jumystarynyń nátıjesinde ol salmaǵy 3,2 gramm keptirilgen marıhýana bolyp shyqty. Atalǵan derek boıynsha QR Qylmystyq kodeksiniń 297-babynyń 3-bóligimen sotqa deıingi tergep-tekserý jumystary júrgizilýde", – dep málim etti Qyzylorda oblysy boıynsha Qylmystyq-atqarý júıesi departamentinen.
"Adyrna" ulttyq portaly
