Majarstan Memlekettık Jinalysynyŋ töraǧasy Laslo Kioverdıŋ şaqyruymen Qazaqstan Parlamentı Mäjılısınıŋ spikerı Erlan Qoşanov bastaǧan bır top deputat resmi saparmen Majarstanǧa bardy. Budapeşt qalasynda deputattar Majarstan Prezidentı Tamaş Şuiokpen jäne Majarstan Memlekettık jinalysynyŋ töraǧasy Laslo Kiovermen kezdestı. Sondai-aq, Qarsaq qalasynyŋ tūrǧyndarmen kezdesu ötkızdı.
Majarstan Prezidentı Tamaş Şuiokpen jüzdesude ekı el arasyndaǧy dostyq pen yntymaqtastyq mäselesı keŋınen talqylandy. Mäjılıs töraǧasy Ortalyq Europadaǧy bauyrlas halyq – majar elıne erekşe yqylaspen kelıp otyrǧanyn aityp, Qazaqstan Prezidentı Qasym-Jomart Toqaevtyŋ joldaǧan sälemın jetkızdı.
– Majarstanmen yntymaqtastyqty damytu – Qazaqstannyŋ syrtqy saiasatyndaǧy basym baǧyttyŋ bırı. Qazaqstan men Majarstan arasynda diplomatiialyq qarym-qatynas ornaǧannan berı yntymaqtastyǧymyz – strategiialyq serıktestık deŋgeiıne jettı. Biyl sol strategiialyq ärıptestıgımızge 10 jyl tolyp otyr. Ärine, būl – köşbasşylarymyzdyŋ eren eŋbegınıŋ jemısı, – dedı Mäjılıs spikerı.
Kezdesu barysynda sauda-ekonomikalyq, mädeni-gumanitarlyq yntymaqtastyq mäselelerıne erekşe nazar audaryldy.
Mäjılıs töraǧasy Memleket basşysy Qasym-Jomart Toqaevtyŋ bastamasymen soŋǧy jyldary Qazaqstanda jürgızılıp jatqan auqymdy reformalar turaly aityp berdı. Sonyŋ ışınde 6 qazanda ötken jalpyūlttyq referendumǧa toqtaldy.
– Elımızde jaŋa saiasi mädeniet qalyptasuda. Onyŋ özegı – barlyq maŋyzdy şeşımder qoǧammen bırge talqylanady. Qasym-Jomart Toqaev prezidenttık qyzmetınıŋ alǧaşqy künderınen-aq osy ıstı qolǧa aldy. Künı keşe elımızde atom elektr stansasyn salu mäselesı boiynşa jalpyūlttyq referendum öttı. El bolaşaǧyna tıkelei qatysty bolǧan soŋ, būl mäsele jönınde şeşım qabyldaudy Memleket basşysy halyqtyŋ öz erkıne berdı. 6 qazanda Qazaqstan halqynyŋ basym köpşılıgı Prezidenttıŋ būl bastamasyn qoldady. Bız atom önerkäsıbı salasynda Majarstannyŋ täjıribesı mol ekenın bılemız. Osy salada bırlesıp kadr daiarlau qolǧa alynyp jatyr. Būl jūmysty küşeituge daiynbyz, – dedı Mäjılıs spikerı.
Sonan soŋ Erlan Qoşanov Majarstan Memlekettık jinalysynyŋ töraǧasy Laslo Kiovermen kezdesıp, parlamentaralyq qarym-qatynastyŋ qazırgı jai-küiı men keleşegın jan-jaqty talqylady.
– Bız üşın Majarstan – senımdı dos, bauyrlas memleket jäne strategiialyq serıktes. Sondyqtan parlamentaralyq yntymaqtastyqty odan ärı nyǧaituǧa müddelımız. Sızderde de däl osyndai yqylas bar ekenın bılemız. Zaŋ şyǧaruşy organdarymyzda parlamentaralyq dostyq toptary qarqyndy jūmys ıstep keledı. Bız halyqaralyq ūiymdar aiasyndaǧy köpjaqty formatta da tyǧyz bailanystamyz. Osy yqpaldastyqty odan ärı arttyruǧa şaqyramyn, – dedı Mäjılıs töraǧasy.
Sondai-aq delegasiia basşysy majar ärıptesterıne Mäjılıstıŋ qazırgı zaŋ şyǧaru qyzmetı jaily da aqparat berdı.
Kezdesu soŋynda ekı el Parlament basşylary Qazaqstan Respublikasy Parlamentı Mäjılısı men Majarstannyŋ Memlekettık Jinalysy arasyndaǧy yntymaqtastyq turaly kelısımge qol qoidy. Būl qadam parlamentaralyq bailanysty nyǧaituǧa zor septıgın tigızetını anyq.
Sonymen bırge Erlan Qoşanov ärıptesı Laslo Kioverdı Qazaqstanǧa resmi saparmen keluge şaqyrdy.
Delegasiia müşelerı Budapeşt qalasyndaǧy Astana köşesınde ornalasqan Abai Qūnanbaiūlynyŋ eskertkışıne gül şoqtaryn qoiyp, Majarstanda oqityn Qazaqstan studentterımen kezdestı.
Mäjılıs deputattarynyŋ resmi sapary kelesı künı Qarsaq qalasynda jalǧasty. Erlan Qoşanov ondaǧy jergılıktı tūrǧyndarmen – bauyrlas qypşaqtarmen kezdesu ötkızdı.
– Bız ärqaşan özderıŋızge jany bır, qany bır bauyrlarymyz retınde qaraimyz. Qazaq ta, majar da – Euraziianyŋ Ūly dalasynda meken etıp, saltanat qūrǧan ejelgı ǧūndar men türkılerdıŋ, qypşaqtardyŋ mūragerı. Bızdı genetikalyq tamyrymyz ǧana emes, ekı elge ortaq daŋqty tarihymyz, būzylmas dästürımız jalǧap jatyr. HHI ǧasyrda bauyrlas halyqtar arasyndaǧy bailanys, sonyŋ ışınde qazaq-majar yntymaqtastyǧy barynşa artyp keledı. Osy ürdıs bızdı quantady. El men eldı qosatyn, däneker bolatyn eŋ aldymen – sızder men bızder. Sondyqtan būl missiiany abyroimen atqaramyz dep senemın, – dedı Mäjılıs spikerı.
Sapar aiasynda delegasiia müşelerı Qarsaq qalasynda ekı eldıŋ ajyramas tuystyǧy men myzǧymas dostyǧynyŋ belgısı retınde «Dombyra» müsınınıŋ aşyluyna qatysyp, mädeni oryndarǧa bardy.
