Türkıstan oblysy, Jetısai audanynda 8 tıl bıletın jas poliglot tūrady. Onyŋ aty-jönı – Sachidi Şahnaz Razandiqyzy. Şahnaz Türkıstan oblystyq iran etnomädeni bırlestıgınıŋ müşesı. Ol 1999 jyly Abai auyldyq okrugıne qarasty Jüzımdık auylynda düniege kelgen. Auyldaǧy №21 Iý.Gagarin atyndaǧy JBBM-de 2017 jyly mekteptı tämamdaǧan. 2018-2022 jyldar aralyǧynda Ä.Quatbekov atyndaǧy Halyqtar dostyǧy universitetınde ekı şet tılı mamandyǧy boiynşa bılım alǧan.
Şahnaz qazırgı taŋda segız tıldı jetık meŋgergen. Alty tıldı bala kezden öz qyzyǧuşylyǧymen üirengen. Atap aitsaq, qazaq, orys, özbek, parsy, türık, äzerbaijan tılderı. Al aǧylşyn tılı men qytai tılın universitet qabyrǧasynda oqyp jürıp üirengen. 2023-2024 jyldary aralyǧynda «Şabyt» şyǧarmaşylyq ortalyǧynda «Jastar praktikasy» baǧdarlamasy arqyly jūmys ıstegen.
– «Bır tıl bılseŋ – bır adamsyŋ, ekı tıl bılseŋ – ekı adamsyŋ» degen söz bar. Men şet tılderın üirenuge bala kezımnen qyzyqtym. Öitkenı tıl arqyly adam özge eldıŋ mädenietın, ūlttyq erekşelıgın tanyp-bılıp, tanym kökjiegın keŋeite tüsedı. Älemge äigılı ǧūlama babamyz Äl-Farabi jetpıske juyq tıl bılgen. Tıl bıluınıŋ arqasynda ruhani ılım-bılım qalyptastyrǧan. Şet tılın bılgen jaqsy, ärine. Degenmen, Qazaqstanda tūratyn azamattarǧa aitarym, ūltyŋyzǧa, jasyŋyzǧa qaramai, memlekettık tıldı üirenuge ūmtylyŋyz degım keledı. Būl – Otanǧa, elge degen qūrmettıŋ belgısı ärı memlekettık tıl barlyǧymyzdy bırıktıredı. Prezidentımız Qasym-Jomart Kemelūly Toqaev taiauda ötken Qazaqstan halqy Assambleiasynyŋ sessiiasynda «Men qazaq tılı uaqyt öte kele etnosaralyq qatynas tılıne ainalatynyna senımdımın. Bız bırtındep osyǧan kele jatyrmyz», dedı. Sondyqtan memlekettık tıldı üirenu – är qazaqstandyqtyŋ azamattyq paryzy dep esepteimın, – deidı poliglot qyz.
Şahnazdyŋ endıgı armany – Qytai elınde bılımın jetıldırıp, tuǧan jerge oralyp, özınıŋ jeke oqu ortalyǧyn aşu. Mektepte ūstazdyq etıp, oquşylardy bılım närımen susyndatqysy keledı.
Eske sala ketsek, bügıngı taŋda Türkıstan oblysyndaǧy Assambleia qūrylymdarynyŋ ūiytqy boluymen memlekettık tıldıŋ märtebesın köteretın ıs-şaralar ötude. Öŋırdıŋ barlyq audan, qalalarynda Mädeniet jäne turizm basqarmasyna qarasty tıl ortalyqtary jūmys ısteidı. Ötken jyly osy kurstarǧa 4 myŋǧa juyq adam qamtyldy. Oblystaǧy etnos ökılderınıŋ 92 paiyzy qazaq tılın jetık bıledı, qūrmet tūtady.
