AQSh-ta amerıkalyq otbasy asyrap alǵan Dınara esimdi boıjetken óz-ózine qol jumsady. Qaıǵyly habardy 6 qazanda belgili jýrnalıst, «Sheteldegi qazaq balalary» jobasynyń avtory Janar Baısemiz jetkizdi, dep habarlaıdy «Adyrna» tilshisi.
«Amerıkadan jetken sýyt habar jyp-jyly bolyp turǵan kúzdiń kúnin sýytyp jiberdi. Bir sátte aınalamdaǵy ásem boıaýlar qaraıyp, shaıylyp ketti. Bul qalaı bolǵany, nege, ne úshin?! Suraq kóp, jaýap joq…Netken ókinish…Netken qasiret…Dınara, keshir meni, kesh bizdi…Rýhyń peıishte shalqysyn. Jap-jaryq ediń… Qosh bol, jaryq kún»,— dep jazdy jýrnalıst.
Aıta keteıik, Qostanaıda dúnıege kelgen arýdy amerıkalyqtar alty jasynda asyrap alǵan. Birneshe jyldan keıin qyzdyń asyraýshy ata-anasy ajyrasyp ketken. Buǵan deıin Dınara jańa otbasynyń buzylýyna baılanysty depressııaǵa ushyraǵanyn jetkizgen edi.
