Ulttyq kıim-ulttyń sáni ǵana emes, bolmysyn da aıshyqtaıdy. Ulttyq stıl – ulttyq bolmysty aıshyqtaı otyryp, el mádenıeti men tarıhynyń ajyramas bóligine aınaldy. Ǵasyrlar boıy qazaqtyń ulttyq kıimi qarapaıym ári ádemiligimen erekshelenip keldi. Bizdiń qazaqtyń ulttyq kıimi – bizdiń baı dástúrimizdiń belgisi, sol kıimdi kııý árbir azamat pen azamatsha úshin úlken maqtanysh. Óıtkeni onyń kez-kelgen qazaqqa jarasa ketetini shyndyq. Kóńilge jylylyq uıalatatyn oıý-órnekpen bezendirilgen kıimder rasynda, kózdiń jaýyn alady.
Sondyqtan, dástúrimizge saı, atadan-balaǵa mıras bolyp kele jatqan ulttyq kıimderdi ulyqtaý maqsatynda Birjan sal aýdanynyń Stepnıak qalasyndaǵy №264 referendým ýchaskesiniń komıssııasy músheleri daýys berýshilerdi ulttyq naqyshtaǵy, oıýmen órnektelgen kıimde qarsy aldy.
Aqmola oblystyq referendým komıssııasynyń málimetinshe, oblys boıynsha barlyǵy 786 referendým komıssııasy jumys istep jatyr, onyń ishinde Aqmola oblysynyń aýmaqtyq referendým komıssııasy bar. Onyń 20 qalalar men aýdandardyń aýmaqtyq referendým komıssııasy bolsa, 765 ýchaskelik referendým komıssııasy. Ondaǵy komıssııa múshesiniń sany 4540 adamdy quraıdy, onyń 147-si aýmaqtyq referendým komıssııasynyń jáne 4393-i ýchaskelik referendým komıssııasynyń músheleri.
