Aqmola oblysynda qan donorlaryn tartu jūmysy küşeitıldı. Öŋır Qazaqstanda donasiia üşın tölemaqyny arttyru turaly şeşım qabyldaǧan alǧaşqy ärı äzırge jalǧyz aimaq bolyp otyr.
Būl bastamany oblystyq mäslihat deputattary qoldap, öŋırdıŋ densaulyq saqtau jüiesı üşın maŋyzdy jaŋalyqqa ainaldy.
«Oblystyq mäslihat deputattary öŋırdegı donorlardy qosymşa yntalandyrudy qoldady. Tölemaqynyŋ artuy – būl jai ǧana alǧys bıldıru emes, donorlyq qordy tūraqtandyruǧa baǧyttalǧan naqty qadam. Būl şara jaŋa donorlardy tartuǧa jäne tūraqty donorlardy qoldauǧa mümkındık beredı», — dedı oblystyq qan ortalyǧynyŋ basşysy Ermek Mūhamediev.Salystyru üşın aita ketsek: elımız boiynşa qan nemese onyŋ komponentterın öteusız tapsyrǧan donorǧa berıletın tölemaqy mölşerı ailyq eseptık körsetkıştıŋ (AEK) 0,25 bölıgın qūraidy — būl şamamen 983 teŋge. Al Aqmola oblysynda jergılıktı biudjet esebınen būl soma 8 myŋ teŋgege deiın ūlǧaityldy. Bügınde öŋırde şamamen bes myŋ tūrǧyn tūraqty türde qan tapsyrady. Alaida 2025 jyly donorlar sanynyŋ azdap tömendegenı tırkeldı. Mamandardyŋ aituynşa, būl — köşı-qon, jas erekşelıkterıne bailanysty özgerıster, sondai-aq adamdardyŋ densaulyǧyna äser etken postkovidtık saldarlar siiaqty tabiǧi sebeptermen bailanysty. Ärbır qan tamşysy bıreudıŋ ömırın qūtqara alatyn qazırgı jaǧdaida, jüienıŋ tūraqtylyǧyn saqtau asa maŋyzdy. Aqmola oblysy proaktivtı ūstanym tanytyp, özge öŋırlerge ülgı bola bıldı.
