Almatydaǵy 13 adam qaza tapqan hostel isine qatysty sot proesi bastaldy, dep habarlaıdy “Adyrna” ulttyq portaly.
Is boıynsha eki adam sottalyp jatyr. Biri – hosteldiń ıesi Ádilbek Muhamedııarov, ekinshisi – órtke qarsy júıeni ornatqan Aleksandr Pekelnık.
Ádilbek Muhamedııarovtyń advokaty taǵylǵan aıyppen kelispeıtinin málimdedi. Sebebi menshik ıesi jalǵa alýshy Ádilbek Muhamedııarovqa ǵımaratty hostel retinde bergen. Al shyn máninde ǵımarat dúkenge arnalǵan. Sondaı-aq advokat órt bolardan az ýaqyt buryn hostelde bógde adam bolǵanyn, hosteldi ádeıi órtegen bolýy múmkin ekenin aıtty.
Ekinshi sottalýshy Aleksandr Pekelnık te ózine taǵylǵan aıyppen kelispeıdi. Onyń advokaty órtke qarsy júıeniń hostel paıda bolardan áldeqaıda kóp ýaqyt buryn júrgizgenin aıtady.
Pekelnıktiń hostelge esh qatysy joq. Ol qylmys sýbektisi emes. Órtke qarsy júıeni ornatqan kezde Pekelnık ǵımarattyń hostel retinde paıdalanylatynyn bilgen joq, – dedi advokat.
Qaıtys bolǵan 13 adamnyń týystary jábirlenýshi retinde tanylǵan.
Eske salaıyq, Almaty Hostel 2023 jyldyń 30 qarashasynda órtengen bolatyn. Hostel órt bolardan bir jarym aı buryn ashylǵan.
Qaıtys bolǵan 13 adamnyń tórteýi shetel azamaty.
