Áleýmettik jelide Aqtaýdaǵy aıaldamanyń vıdeosy tarap, kóptiń narazylyǵyna ushyrady, dep habarlaıdy "Adyrna" ulttyq portaly.
Aıaldamada jolaýshylarǵa arnalǵan otyrǵysh bıik bolǵan. Jelidegi beınede er adamnyń oǵan otyra almaı, qınalǵanyn kórýge bolady.
Massaget.kz málimetinshe, Aqtaý qalalyq jolaýshylar kóligi jáne avtomobıl joldary bólimi aıaldamaǵa qatysty tıisti jaýap joldaǵan.
"Aqtaýda jańa 20 áleýmettik avtobýs aıaldamasyn ornatý jumystary júrgizilip jatyr. Qazir jańa aıaldamalar avtomobıl joldarynyń qajetti aýmaqtaryna ornatylyp jatyr. Bul avtobýs aıaldamasy áli bekitilmegen. Osy aptada tolyǵymen ornatylady. Injenerlik jeliler qurylysyna baılanysty toqtap turǵan edi, joldy jóndeý aıaqtalǵannan keıin aıaldama ornatylady", – delingen jaýapta.
Jelidegi jurt "Sý tasqyny bola qalsa kemeni kútetin aıaldama eken", "Qarttar kúnine ákimdiktiń syılyǵy bolar", "bul áli tolyq bitpegen ǵoı", "tek boıy uzyn adamdarǵa arnalǵan otyrǵysh qoı" dep túrli pikir jazǵan.
