"Bostandyq audanynda, Sanatorii Almaty köşesınde anama – 66 jastaǧy zeinetker äielge belgısız jas jıgıt şabuyl jasady. Ol aialdamada avtobus kütıp tūrǧan. Jıgıt artynan kelıp, eş sebepsız aiausyz ūra bastaǧan. Ainalada adam azaiǧan sättı kütken. Qazır anam auruhanada. Jaǧdaiy öte auyr. Būl videony köru qiyn. Bıraq ony köru kerek. Men mūny qaralym üşın jariialap otyrǧan joqpyn. Būl turaly barynşa köp adam bılgenın qalaimyn", – dep jazdy jäbırlenuşınıŋ qyzy Threads jelısınde.
Ol küdıktınıŋ zaŋ boiynşa qataŋ jazalanuyn talap etude.
Almaty qalalyq Polisiia departamentı mälımetınşe, atalǧan derek boiynşa Bostandyq audanynyŋ polisiia basqarmasy qylmystyq ıs qozǧaǧan.
"Qylmys jedel türde aşyldy. Jedel-ızdestıru şaralary nätijesınde küdıktınıŋ jeke basy anyqtalyp, ūstaldy jäne uaqytşa ūstau izoliatoryna qamaldy. Qazırgı uaqytta oqiǧany jan-jaqty jäne obektivtı tergeuge baǧyttalǧan keşendı tergeu äreketterı jürgızılude. Jazanyŋ būltartpastyǧy – ışkı ıster organdary jūmysynyŋ negızgı qaǧidaty. Zorlyq-zombylyqpen bailanysty kez kelgen qūqyqbūzuşylyq toqtatylyp, kınälıler tolyq jauapkerşılıkke tartylady", – delıngen habarlamada.Sonymen qatar, jurnalist Mihail Kozachkov özınıŋ Telegram-arnasynda küdıktınıŋ būryn adam öltıru jäne densaulyqqa auyr ziian keltıru faktılerı boiynşa sottalǧan 25 jastaǧy er adam ekenın jazǧan. Sol kezde sot onyŋ öz üiı men otbasyn qorǧaǧanyn eskerıp, qajettı qorǧanys şegınen asyp kısı öltıru jäne densaulyqqa qasaqana auyr ziian keltıru boiynşa 2 jylǧa bas bostandyǧynan aiyrǧan.
Būǧan deiın Almatydaǧy tūrǧyn üi keşenderınıŋ bırınde er adamnyŋ qolyna pyşaq ūstap, ötıp bara jatqan adamdardy quǧany turaly da habarlanǧan.
