Reseı prezıdenti Vladımır Pýtın sársenbi kúni sottalǵandarmen áskerı kelisimshart jasaýǵa múmkindik beretin eki zańǵa qol qoıdy, dep habarlaıdy "Adyrna" ulttyq portaly.
Reseı prezıdenti mobılızaııa kezinde nemese soǵys ýaqytynda isteri birinshi satyda nemese apellıaııalyq sotta qaralyp jatqan aıyptalýshylarmen shart jasasýǵa múmkindik beretin eki zańǵa qol qoıdy. Eki zań da quqyqtyq aqparattyń resmı ınternet-portalynda jarııalanǵan.
Ekinshi zań jumyldyrý boıynsha áskerı qyzmetke shaqyrylǵan nemese Qorǵanys mınıstrligimen kelisim-shart jasasqan sottalýshylardy qylmystyq jaýapkershilikten bosatýǵa múmkindik beredi.
Sottalýshylar memlekettik nagrada alǵan nemese jasyna, densaýlyǵyna baılanysty, jumyldyrý merziminiń aıaqtalýyna baılanysty áskerı qyzmetten bosatylǵannan keıin nemese soǵys jaǵdaıy joıylǵannan keıin qylmystyq jaýapkershilikten tolyq bosatylý múmkindigi de qaralǵan.
Birinshi zań jobasyna túzetýler Reseı Federaııasynyń Qylmystyq is júrgizý kodeksine, al ekinshi zań jobasyna «Áskerı mindet jáne áskerı qyzmet týraly» zańǵa engiziledi.
Memlekettik Dýma tıisti zań jobalaryn 18 qyrkúıekte birinshi oqylymda, al 24 qyrkúıekte ekinshi jáne úshinshi oqylymda maquldaǵan bolatyn.
