Memleket basshysy V Dúnıejúzilik kóshpendiler oıyndaryna atsalysqan azamattardy memlekettik nagradalarmen marapattady, dep habarlaıdy «Adyrna» ulttyq portaly Aqordanyń baspasóz qyzmetine silteme jasap.
Qazaqstan Respýblıkasy Prezıdenti Qasym-Jomart Toqaevtyń Jarlyǵymen Astana qalasynda ótken V Dúnıejúzilik kóshpendiler oıyndarynyń júldegerleri, olardyń jattyqtyrýshylary, sondaı-aq halyqaralyq sport sharasyn uıymdastyrýǵa jáne ótkizýge erekshe úles qosqan azamattar memlekettik nagradalarmen marapattaldy.
Atap aıtqanda, 1 adam «Parasat» ordeniniń jáne 7 azamat «Qurmet» ordeniniń kavaleri atandy. «Eren eńbegi úshin» medali 85, al «Shapaǵat» medali 5 adamǵa berildi.
Eske sala keteıik, Dúnıejúzilik kóshpendiler oıyndary Astanada 8-13 qyrkúıek aralyǵynda ótti. Qazaqstan quramasy 112 medal – 43 altyn, 32 kúmis jáne 37 qola jeńip aldy.
