18 qaŋtardan 19 qaŋtarǧa qaraǧan tünı pravoslav hristiandary basty dıni merekelerdıŋ bırı – Kreşenie Gospodne atap ötedı. Osyǧan bailanysty elordada qala tūrǧyndary men senuşılerdıŋ qatysuymen dıni ıs-şaralar ötıp jatyr, dep habarlaidy «Adyrna» tılşısı qala äkımdıgınıŋ resmi saityna sılteme jasap.
Dıni ıs-şaralar Uspen kafedraldy soborynda (Küişı Dina köşesı, 27), Konstantin-Elena şırkeuınde (Respublika daŋǧyly, 12) jäne Serafim Sarov ǧibadathanasynda (Bögenbai batyr daŋǧyly, 8) ötıp jatyr.
«Jüzdegen elorda tūrǧyny men qala qonaqtary suǧa tüsu üşın jappai şomylu oryndaryna jinaldy. Astanada mūndai şomylu oryndary Esıl özenınıŋ sol jaǧalauynda, «Astanalyq» saiabaǧy jaǧalauyndaǧy ortalyq jaǧajai maŋynda arnaiy mūz oiyqtary jabdyqtalǧan»,- delıngen habarlamada.
Suǧa tüsu oryndary arnaiy ıs-şaradan keiın, saǧat 20:00-den bastap qoljetımdı bolyp, 19 qaŋtar künı saǧat 02:00-ge deiın jūmys ısteidı. Şomylu oryndary qauıpsız baspaldaqtarmen jäne qorşaularmen jabdyqtalǧan. Azamattardyŋ yŋǧaiy üşın aumaǧy jaryqtandyrylyp, jylynu punkterı ūiymdastyrylǧan.
Qoǧamdyq tärtıp pen qauıpsızdıktı qamtamasyz etu maqsatynda jauapty qyzmetterdıŋ täulık boiǧy kezekşılıgı ūiymdastyrylǧan. Qauıpsızdıkke Tötenşe jaǧdailar departamentı men Polisiia departamentınıŋ qyzmetkerlerı tartylǧan. Sonymen qatar suǧa tüsu oryndarynda jedel medisinalyq järdem brigadalary kezekşılık etude.
Qūtqaru bölımşelerı sudaǧy qauıpsızdık erejelerınıŋ saqtaluyn qadaǧalaidy. Qajet bolǧan jaǧdaida mamandar azamattardy jylynu punkterıne ornalastyryp, medisinalyq kömek körsetuge daiyn.
Aita keteiık, dıni ıs-şara 19 qaŋtar künı saǧat 23:00-ge deiın jalǧasady.
