Taraz qalasynyń ákimi Baqytjan Orynbekovtiń tóraǵalyǵymen ótken kezekti apparattyq keńeste oblys ortalyǵy turǵyndary men ákimdik arasyndaǵy keri baılanys baǵytyndaǵy jumystar barysy qaraldy.
Atalǵan másele boıynsha sóz alǵan qalalyq medıa ortalyq dırektory Balnur Bekturǵanova ákimdiktiń áleýmettik jelilerdegi paraqshalaryndaǵy jarııalanymdar men tarazdyqtar tarapynan túsip jatqan aryz-shaǵymdarǵa jaýap berý jaıyn tilge tıek etti.
–Jyl basynan beri ákimdiktiń áleýmettik jelilerinde 1 091 post, 277 beınerolık, 633 banner jaryq kórdi. Qańtar aıynan bastap ákimdiktiń resmı paraqshasyn belgileý arqyly jalpy sany 1 253 post jarııalandy. Sonymen qatar «Ikomek-109» platformasy arqyly 5 188 ótinim túsken. Turǵyndardan túsip jatqan saýaldardyń basym kópshiligi shahardyń kommýnaldyq qyzmetterine qatysty bolyp otyr. Ortalyq qyzmetkerleri barlyq aryz-shaǵymǵa der kezinde jaýap berip keledi, – degen Balnur Bekturǵanqyzy ákimdikke qarasty bólimderdiń áleýmettik jelilerdegi belsendiligine taldaý jasap, turǵyndarmen keri baılanys ornatý jumystary jalǵasyn tabatynyn jetkizdi.
Baıandamashyny muqııat tyńdap shyqqan Baqytjan Ámirbekuly atalǵan baǵyttaǵy atqarylatyn jumystardy josparly, júıeli júrgizý qajet ekenin aıtyp, naqty tapsyrmalaryn berdi.
Keńes barysynda bıýdjettiń boljamdy oryndalýy, «Astana kúni» merekesine daıyndyq jumystary, balalardyń jazǵy demalysyn uıymdastyrý jáne bilim mekemelerindegi jóndeý jumystary, oblys ortalyǵyndaǵy jol jóndeý jumystarynyń barysy jáne ózge de máseleler qaraldy.
Qala ákimi kún tártibindegi máseleler boıynsha baıandamashylardy tyńdap, syn-eskertpelerin aıtyp, jumysty júıeleýdi tapsyrdy.
Basqosý sońynda Baqytjan Orynbekov jaýapty mamandarǵa qaladaǵy tazalyqtyń qatań saqtalýyn nazarda ustaý, turmystyq qatty qaldyqtar men qoqysty ýaqytyly jınalyp, shyǵarylýyn qamtamasyz etý, jylý jáne káriz júıeleri lıýktarynyń qaqpaqtaryn urlaý derekterin azaıtý, olardyń ashyq qalmaýyn nazarda ustaý sekildi mańyzdy máseleler boıynsha jumystardy josparly oryndaýdy jaýaptylarǵa júktedi.
