Bes aptaǵa sozylǵan respýblıkalyq ekologııalyq akııa aıasynda Tarazda tazalyq jumystaryn júrgizý, tal balaqtaý, aýla, eskertkish mańdaryn abattandyrý baǵytynda jalpy 153 is-shara uıymdastyrylyp, oǵan 17 151 turǵyn qatysty.
Atap aıtqanda, «Taza ólke» aptalyǵy aıasynda kópqabatty úılerdiń aýlalaryna, qala kóshelerine sanıtarlyq tazalyq jumystary júrgizilip, 2 175 (ıasın – 1423, qaraǵash – 183, shyrsha – 46, sıren – 111, aq qaıyń – 28, akaııa – 10, pavlenııa – 13, týıa – 88, mojjevelnık – 132, malva – 62, qaraǵaı – 79) aǵash kóshetteri otyrǵyzyldy.
«Kıeli meken» aptalyǵy aıasynda tarıhı mádenı eskertkishterdiń mańyn abattandyrý jumystary uıymdastyrylyp, 5 146 aǵash(qaraǵash – 5 000, ıasın – 30, týıa-10, malva-64, qaraǵaı-15, shyrsha-17, qaraǵash – 10) kóshetteri men 500 raýshan gúl otyrǵyzyldy.
«Jasyl aımaq» aptalyǵynda skverlerde, qala kóshelerine, saıabaqtar men shalǵaı aýmaqtarǵa 2 453 aǵash(shyrsha – 60, ıasın – 140, qaraǵash – 2100, malva – 230, týıa – 30, jemis aǵashtary – 100) kóshetteri otyrǵyzyldy.
«Ónegeli urpaq» aptalyǵynda qalanyń belsendi jastary, «Jasyl el-Taraz» mekemesiniń qyzmetkerleri UOS ardagerleri, tyl eńbekkerleri, zııaly qaýym ókilderi men qarttar úıine sanıtarlyq-tazalyq jumystaryn júrgizip, aǵash butaý, syrlaý jumystaryn jasady. Sonymen qatar, zııaly qaýym ókilderimen TEDx formatta erkin suhbattasý uıymdastyryldy.
«Móldir bulaq» aptalyǵynda sý qoımalarynyń aınalasy, ózen-kólderdi kúl-qoqystan, jabaıy shópterden tazalaý jumystary júrgizildi.
«Eldi mekenderdiń sanıtarııasyn qamtamasyz etý» aıasynda Taraz qalasy aýmaǵynda 3 435 dana tal kesildi, 32 shaqyrymdy quraıtyn aryqtar tazalandy,18 865 tonna qoqys shyǵaryldy.
Osy akııa negizinde qala aýmaǵynda «Qapal», «Úshbulaq», «Qarasý-1, 2», «Tóregeldi» kanaldaryna mehanıkalyq tazalaý jumystary júrgizildi.
Sondaı-aq osy kúni «Uly dala» yqsham aýdanynda «Bizdiń aýla» atty turǵyndardyń qatysýymen aǵash otyrǵyzý, tazalyq jumystary uıymdastyryldy. «Áýlıe bulaq» kanalynyń boıynda volonterlar tazalyq jumystary ótkizip, «Úzdik volonter» anyqtaldy.
Jalpy tazalyq – barshanyń ıgiligi. Taza qala – Tarazǵa qamqorlyq jasaý – árbir turǵynnyń mindeti.
