Taraz qalasynda bıyl 140 shaqyrymnan asa jol ortasha jóndeýden ótedi dep kózdelýde. Byltyr shaharda 87,5 shaqyrym jol jańǵyrtylǵan.
Naqtyraq aıtqanda, 67,8 shaqyrymdy quraıtyn 40 jobany (onyń ishinde 117 kóshe, burylys, tuıyq, ótkel), odan bólek, uzyndyǵy 20,2 shaqyrym jaıaý júrginshiler jolyn jáne uzyndyǵy 73,8 shaqyrym bolatyn shaǵal joldy (onyń ishinde 165 kóshe, burylys, tuıyq, ótkelder) jóndeý josparlanǵan.
Budan bólek, uzyndyǵy 10,8 shaqyrymdy quraıtyn 3 kósheni qaıta jańǵyrtý kózdelýde. Aǵymdaǵy jóndeý jumystarynyń kólemin de úsh esege deıin arttyrý josparda bar.
