Astanada Nazarbaev äuejaiy stansiiasynda tūrǧan LRT vagondarynyŋ syrtyna belgısız bıreuler graffiti salyp ketken. Būl oqiǧa äleumettık jelıde jariialanǧan suretter arqyly belgılı boldy, dep habarlaidy “Adyrna”.
Būl aqparatty jolauşylar tasymalymen ainalysatyn City Transportation System kompaniiasy rastady.
«Vagondardyŋ syrtyna rūqsatsyz graffiti salynǧany tırkeldı. Būl turaly aqparat qūqyq qorǧau organdaryna berıldı. Atalǧan faktı boiynşa qylmystyq ıs qozǧaldy», – dep habarlady kompaniia ökılderı.
Kompaniia mälımetınşe, vagondardyŋ syrty arnaiy qorǧanys qabatymen jabylǧan, būl qabat boiaudyŋ negızgı boiau-jabyn qabatyna sıŋuıne jol bermeidı.
Qazır graffitidı vagondardyŋ betınen öşıru jūmysy jürıp jatyr.
Eske salsaq, 9 mausym künı Astanaǧa Qytaidan LRT jeŋıl relstı kölıgınıŋ alǧaşqy ekı qūramy jetkızılgen bolatyn.
