Túrkistan oblysynda prezıdent Qasym-Jomart Toqaev kortejiniń baǵytyn tekserý kezinde atys-qarýlary tabyldy, dep habarlaıdy QR Ishki ister mınıstrliginiń resmı ınternet-resýrsy.
«Memleket basshysynyń kortejiniń Túrkistan oblysy boıynsha júrý baǵytyn tekserý kezinde Ishki ister mınıstrligi men Ulttyq qaýipsizdik komıtetiniń qyzmetkerleri TJK-men birlesip, atys qarýynyń qoımasyn anyqtady. Atalǵan fakti boıynsha qylmystyq is qozǵaldy», - delingen habarlamada.
Qazirgi ýaqytta barlyq mán-jaıdy anyqtaý jáne kúdiktilerdi ustaý úshin qajetti jedel izdestirý jáne tergeý sharalary kesheni júrgizilýde.
Eske salaıyq, 27 qyrkúıekte Qasym-Jomart Toqaev Túrkistan oblysyna jumys saparymen barǵan edi.
