26 qyrkúıek kúni Ýkraına prezıdenti Vladımır Zelenskıı Aq úıde AQSh prezıdenti Djo Baıdenmen jáne vıe-prezıdent Kamala Harrıspen kezdesti, dep habarlaıdy “Adyrna” ulttyq portaly.
Zelenskııdiń Aq úıge sapary kezinde AQSh kóshbasshylary Reseı Ýkraınadaǵy soǵysta «jeńiske jetpeıdi» dep ýáde berdi.
AQSh-taǵy prezıdenttik saılaýǵa 39 kún qalǵanda Zelenskııdi Aq úıde qabyldady.
Ýkraınanyń osy soǵysta jeńiske jetýine kómektesý úshin Amerıka prezıdenti beısenbi kúni tańerteń «áskerı kómekti ulǵaıtý» týraly aıttty. Alaıda, Kıev Reseıge soqqy berý úshin AQSh-ta jasalǵan uzaq qashyqtyqtaǵy zymyrandardy qoldanýǵa ruqsat berý týraly eshteńe aıtpady.
Vladımır Zelenskıı bul málimdemeni quptap, bul onyń eline Reseıge qarsy soǵysta jeńiske jetýge kómektesetinin aıtty.
Buǵan qosa, Djo Baıden Germanııada Ýkraınanyń odaqtas 50 eliniń qatysýymen «kúsh-jigerdi úılestirý» úshin joǵary deńgeıdegi sammıt ótkizýge shaqyrdy.
Zelenskıı saparynyń alǵashqy naqty nátıjesi prezıdent Baıdenniń Ýkraınaǵa shamamen 8 mıllıard dollarǵa jańa áskerı kómek kórsetetinin jarııalaýy boldy. Bul osy jyldyń basynda AQSh Kongresi bekitken 61 mıllıard dollarlyq pakettiń bir bóligi.
Sonymen qatar, Ýkraına birlesken tirek qarýynyń planer bombalaryn, Patriot áýe qorǵanys júıesiniń taǵy bir batareıasyn jáne oǵan qosymsha zymyrandar alady. AQSh sonymen qatar ýkraındyq ushqyshtardy F-16 joıǵyshtaryn basqarýǵa úıretý baǵdarlamasyn keńeıtedi.
Budan bólek, Vladımır Zelenskıı vıe-prezıdent jáne Demokratııalyq partııanyń kandıdaty Kamala Harrıspen kelissózder júrgizdi, ol qazirgi prezıdenttiń Ýkraınaǵa qatysty saıasatyn jalǵastyrýǵa ýáde berdi.
Odan keıin Ýkraına prezıdentin Kongresste Senattaǵy Respýblıkalyq jáne Demokratııalyq partııalardyń jetekshileri Mıtch MakKonnell men Chak Shýmer qabyldady.
“Ýkraına prezıdenti senat basshylaryna jeńis josparynyń mańyzdy tustaryn ashty", delingen kezdesý týraly baspasóz habarlamasynda.
Biraq ol jýrnalısterdiń “ózin qatty synaǵan burynǵy prezıdent, prezıdenttikke Respýblıkalyq partııadan úmitker Donald Tramppen kezdesýdi josparlap otyr ma?” degen saýalyna jaýap bermedi.
