Tanymal Gollivud jūldyzy Andjelina Djoli Ukraina qaruly küşterınıŋ baqylauyndaǧy Herson qalasyna bardy. Būl turaly «Strana.ua» basylymy jazdy, dep habarlaidy «Adyrna» tılşısı.
Jergılıktı BAQ-tyŋ habarlauynşa, aktrisa Ukrainaǧa gumanitarlyq missiiamen kelgen. Ol medisinalyq mekemelerge baryp, qoǧamdyq ūiym ökılderımen kezdesken. Sondai-aq äleumettık jelıde Djolidıŋ ukrainalyq balalarmen äŋgımelesıp otyrǧan sätı taspalaǧan suret te taraǧan.
Hersonǧa bara jatqan jolda aktrisa Nikolaevtaǧy äskeri jinaqtau jäne äleumettık qoldau ortalyǧyna soqqan. Ukrainalyq «Politika Strany» basylymy men Odessadaǧy Telegram-arnalardyŋ habarlauynşa, jol üstınde onyŋ küzetşısın toqtatyp, äskeri qyzmetke jaramdy ekenın anyqtaǧan. Alaida būl oqiǧaǧa aktrisa da, resmi organdar da naqty tüsınıkteme bermedı.
Eske sala keteiık, Andjelina Djoli Ukrainaǧa būǧan deiın 2022 jyldyŋ mamyr aiynda da kelgen edı.
