Bügın, 5 şılde künı Arys qalasyndaǧy äskeri bölım aumaǧynda kärız jüiesıne tazalau jūmystaryn jürgızu kezınde kärız gazymen ulanu saldarynan üş adam qaza tapty, dep habarlaidy «Adyrna» ūlttyq portaly.
Oqiǧa jūmys barysynda abaisyzda qūdyqqa qūlap ketken Şymkent audandyq paidalanu bölımınıŋ jūmysşysyn qūtqaru kezınde oryn aldy. Oǧan kömekke kelgen taǧy ekı jūmysşy men kelısımşart boiynşa ekı äskeri qyzmetşı de jaǧdaidyŋ naşarlauyna bailanysty joǧary jaqqa köterılıp şyǧa almady. Nätijesınde üş adam sol jerde qaza tapty.
Odan bölek taǧy bır jūmysşy men äskeri qyzmetker Arys qalasynyŋ auruhanasyna jetkızıldı. Qazırgı taŋda olardyŋ jaǧdaiy tūraqty-auyr dep baǧalanyp otyr.
Oqiǧa aiasynda QR IIM ÄTB Şymkent bölımımen QR QK 156-baby 4-bölıgı boiynşa sotqa deiıngı tergep-tekseru bastaldy.
Ūqsas jaŋalyqtar
