Densaýlyq saqtaý mınıstri Aqmaral Álnazarova jedel járdem jumysynyń ózgerýi jaıly taraǵan aqparatqa qatysty jazba jarııalady, dep habarlaıdy "Adyrna" ulttyq portaly.
Mınıstr óziniń Facebook-tegi paraqshasynda jazba jarııalady. Onda ol jedel járdem jumysynyń burynǵy qalypta, qzgerissiz jumys isteıtini jaıly jazdy.
"Qurmetti qazaqstandyqtar! Jedel járdem qyzmetiniń qaǵıdalaryna ózgerister engizýdi kózdeıtin jobada halyqqa táýlik boıy kórsetiletin jedel járdem qyzmetterin shekteý týraly norma joq.
Halyq úshin jedel járdem 24/7 rejıminde 103 nómiri boıynsha qoljetimdi bolyp qala beretinin aıta ketken jón" dep jazdy Álnazarova.
Sondaı-aq, ol ózgeristerdiń shaqyrtýlar shekteýine emes kerisinshe sapasynyń artýyna qatysty aıtylǵanyn qosa ketti:
"Ózgerister shaqyrtýlarǵa qyzmet kórsetýdiń jedeldigi men sapasyn arttyrý maqsatynda emhanalardyń janynan qurylatyn brıgadalarǵa qatysty. Mobıldik brıgadalardyń sanyn kóbeıtý týraly sheshim qabyldandy. Budan basqa, balalarǵa medıınalyq kómek qajet bolǵan jaǵdaıda, shyǵý pedıatrdyń, al eresek turǵyndarǵa - beıindi mamandardyń (kardıolog, nevropatolog jáne t.b.) qatysýymen júzege asyrylady" delingen jazbada.
Sonymen qatar, jedel járdem brıgadasynyń sanyn naqtylaı ketti ol.
"Buǵan deıin bir brıgada 35 myń adamǵa qyzmet kórsetse, jańa qaǵıda boıynsha-25 myń adamdy qamtıdy.
Mobıldik brıgadanyń jumysy emhana uıymdarynyń jumys ýaqytymen úılestiriletin bolady. Saǵat 20.00-den keıin jáne demalys kúnderi-shaqyrtýlarǵa qyzmet kórsetýdi jedel járdem brıgadalary júrgizedi.
Bul norma jedel járdem qyzmetin uzaq kútýdiń tómendeýine yqpal etedi jáne turǵyndarǵa 103 nómiri boıynsha jedel járdemdi shaqyrtý úshin eshqandaı kedergi joq" dep túıindedi mınıstr hanym.
