Qyrǵyzstannyń joǵarǵy keńesi 25 qyrkúıekte ótken otyrysynda Asqar Aqaevtyń eks-prezıdent mártebesin qaıtarý týraly ótinishinen bas tartty, dep habarlaıdy "Adyrna" ulttyq portaly fergana.agency-ge siltep.
85 depýtattyń 71-i eks-prezıdentke saıası laýazymdy berýden bas tartýǵa daýys berdi. Al eki depýtat parlament sheshimine qarsy bolǵan. Al keıinnen olar qateleskenderin aıtyp, parlament sheshimin qoldady.
Joǵarǵy keńes spıkeri Nurlanbek Shákıev depýtattarǵa Aqaevtyń ótinishin qanaǵattandyrýdan bas tartqandary úshin alǵys aıtty. Ol Qyrǵyzstannyń táýelsizdik jyldarynda elde jaqsylyqtan qaraǵanda qaıǵy men qıyndyq kóp bolǵanyn, bul birinshi prezıdent retinde Asqar Aqaevtyń úlken kinási ekenin atap ótti.
Sondaı-aq, depýtat Shákıev 2002 jyldyń 17 naýryzynda bolǵan Aqsy oqıǵasyn da aıtty. Sol jyly eks-prezıdent Qyrǵyzstan terrıtorııasynyń bir bóligin Qytaıǵa berýge qarsy shyqqan jergilikti turǵyndardyń demonstraııasyn atqanyn da atap ótti.
«Aqsy óńirinen saılanǵan depýtat retinde jerlesterim bul másele boıynsha bizdiń sheshimimizdi óte muqııat jáne taǵatsyzdana kútkenin aıtqym keledi. Onyń qanshalyqty durys ekenin tarıh kórsetedi, halyq óz baǵasyn beredi, biraq men sheshim durys boldy dep esepteımin», - dep keltiredi 24.kg Shákıevtiń sózin.
Aqaevtyń 2010 jyly ýaqytsha úkimet jarlyǵymen aıyrylǵan eks-prezıdent mártebesin qaıtarý týraly ótinishi parlamentke qyrkúıektiń basynda kelip túsken.
«Asqar Aqaev 80 jasqa toldy. Meniń oıymsha, ony zeınetaqy, qaýipsizdik jáne basqa da nárseler qyzyqtyrmaıdy. Ol áli de qaýipsizdiksiz emin-erkin júredi. Asqar Aqaev kezinde kóptegen keleńsizdikter boldy. Qyzyǵýshylyqtar boldy. Biraq munymen qatar elimiz egemendik alǵan jyldarda ońdy tustar da boldy. Muny da aıtý kerek», - dedi Japarov Aqaevtyń úndeýine túsinikteme berdi.
Asqar Aqaev Qyrǵyzstandy táýelsizdik alǵan alǵashqy jyldardan 2005 jylǵa deıin basqardy. Elde tóńkeris bolyp, Qurmanbek Bakıev bılikke kelgende bılikten qýylǵan prezıdent pen otbasy músheleri Reseıge ketken edi. Keıinnen eks-prezıdent Máskeýde ǵylymı jáne oqytýshylyq qyzmetpen aınalysty. Keıin Aqaevqa bılikti nemese qyzmettik babyn asyra paıdalanýǵa qatysy bar degen syndy birneshe aıyptar taǵylǵan.
