Bışkekte Ūjymdyq qauıpsızdık şarty ūiymynyŋ (ŪQŞŪ) Bas hatşysy İmanǧali Tasmaǧambetov pen Qyrǧyzstan prezidentı Sadyr Japarovtyŋ kezdesuı öttı, dep habarlaidy "Adyrna" ūlttyq portaly.
Kezdesu barysynda 27 qaraşa künı Qyrǧyzstan astanasynda ötetın ŪQŞŪ Qauıpsızdık keŋesı sessiiasyna daiyndyq mäselelerı talqylandy. Sonymen qatar Bas hatşy ūiymǧa Qyrǧyz Respublikasynyŋ töraǧalyǧy aiasynda atqarylyp jatqan jūmys barysy turaly aqparat berdı. Ol biyl ötken ŪQŞŪ Bırıkken küşterı men qūrylymdarynyŋ oqu-jattyǧulary jäne bırlesken operasiialardyŋ nätijelerı turaly mälımdedı.
Sadyr Japarov İmanǧali Tasmaǧambetovtıŋ memleketter arasyndaǧy qauıpsızdıktı nyǧaituǧa jäne dostyqty damytuǧa qosqan airyqşa ülesın atap ötıp, ony Qyrǧyz Respublikasynyŋ memlekettık nagradasy – «Dostyq» ordenımen marapattady.
