QR Parlamentı Senatynyŋ deputaty Gennadii Şipovskih äleumettık jelıdegı paraqşasynda Tiktok platformasy turaly oiyn jariialady, dep habarlaidy "Adyrna" ūlttyq portaly.
"Bügıngı taŋda TikTok äleumettık jelısı älemnıŋ tükpır-tükpırınde ülken tanymaldyqqa ie. Bızdıŋ elde de būl jelınıŋ qoldanuşylar sany artpasa, kemıp jatqan joq. Körşı elge tiesılı būl platformany kei kreativtı jandar jasöspırımderdı bılımge, el tarihyna qyzyqtyruǧa paidalanyp ta jür. Bıraq ondai kontent sany özge kontentpen salystyrǧanda şölge tastaǧan jüzıktei tym az. TikTok-taǧy kontenttıŋ basym bölıgı qandai sarynda ekenın men aitpasam da, özderıŋız baiqap jürsızder. Sol köŋıl könşıtpeitın kontenttıŋ köptıgınen Pavlovtyŋ: «Schaste - gde-to mejdu svobodoi i dissiplinoi» degenı oiǧa keledı. İä, dūrys tüsınıp otyrsyzdar, men būl platformany «ışınara» şekteu jaiyna öz bes tiynymdy qystyrmaqpyn. Jastarymyzdyŋ nazaryn jaulaǧan būl platformaǧa belgılı bır şekteuler qoiudy qoldauymnyŋ sebebı ärtürlı", - delıngen jazbada.
Sondai-aq, şeneunık būl platformanyŋ bala psihikasy men kiberqauıpsızdıgıne kerı äserın aitty.
"Tarqata aitsaq:
Bırınşıden, balalardyŋ psihikalyq densaulyǧy alaŋdauşylyq tuǧyzady. TikTok-taǧy keibır kontent balalardyŋ mınez-qūlqyna terıs äser etıp, olardy jalǧan idealdarǧa jetelep, täueldılıkke äkeluı mümkın. Qyrǧyzstan osy maqsatta platformaǧa tyiym salyp, balalardyŋ psihikasyn qorǧauǧa baǧyttalǧan qadam jasady. Büldırşın tärbielep otyrǧan äke retınde būl jaǧy menı qatty alaŋdatady.
Ekınşıden, kiberqauıpsızdık – qazırgı zamanǧy sifrlyq älemnıŋ basty mäselelerınıŋ bırı. AQŞ, Fransiia, basqa da elder TikTok-tyŋ paidalanuşylardyŋ derekterın jinau ädısterıne kümändanyp, jelıge şekteuler engızdı. Qazaqstanda da kiberqauıpsızdıkke nazar audaru öte maŋyzdy, öitkenı jeke jäne memlekettık mälımetterdıŋ qorǧaluy ūlttyq qauıpsızdıkpen tıkelei bailanysty.
Mälımetterdıŋ qūpiialylyǧy da ülken alaŋdauşylyq tuǧyzady. Kanada TikTok-ty derekterdıŋ qauıpsızdıgıne bailanysty şekteu şaralaryn engızgen. Būl platformanyŋ paidalanuşylar turaly mälımetterdı jinau jäne olardy saqtau täsılderı kümändı boluy mümkın, al būl Qazaqstan üşın de özektı mäsele.
Üşınşıden, qoǧamdyq tūraqtylyqty saqtau maqsatynda da şekteuler qajet boluy mümkın. TikTok-ta jalǧan aqparat pen arandatuşy mazmūndardyŋ taraluy eldegı äleumettık tūraqtylyqqa terıs äser etuı yqtimal. Jalǧan aqparattyŋ keŋınen taraluy qoǧamda dürbeleŋ tudyryp, qoǧamdyq pıkırdı būrmalauy mümkın.
Qorytyndylai kele, TikTok jelısıne ışınara şekteu engızu Qazaqstan üşın maŋyzdy qadam bolmaq degen oidamyn. Balalardyŋ psihikalyq saulyǧyn qorǧau, derekterdıŋ qauıpsızdıgın qamtamasyz etu jäne qoǧamdaǧy tūraqtylyqty saqtau maqsatynda būl şaralar oryndy bolady dep esepteimın", - dedı ol.
Aita keteiık, 2023 jylǧy mälımetterge säikes, TikTok-ty Qazaqstanda şamamen 9-10 million adam qoldanady. Būl platforma elde ülken tanymaldylyqqa ie. Äsırese jastar arasynda keŋınen qoldanylady.
TikTok Qazaqstanda äleumettık jelılerdıŋ ışındegı eŋ jyldam ösıp kele jatqan platformalardyŋ bırı sanalady
Ūqsas jaŋalyqtar
